Ekspertët e Grupit për Ballkan tregojnë se si mund të zhbllokohet perspektiva euro-atlantike e Kosovës
Autori: Gazeta inFokus 15:52 | 08 March 2023
Grupi për Ballkan ka publikuar raportin Kosova: Zhbllokimi i perspektivës Euro-Atlantike Bashkimi Evropian, Dialogu për Normalizim të Marrëdhënieve me Serbinë dhe mundësitë për njohje nga pesë shtetet mosnjohëse të BE-së, e cila analizon pikëpamjet e shteteve të BE-së që nuk e njohin Kosovën dhe rolin e BE-së sipas planit franko-gjerman.
Pesë nga 27 shtetet anëtare të Bashkimit Evropian (BE) nuk e njohin ende Kosovën. Duke mos e njohur atë si shtet, Qipro, Sllovakia, Rumania, Spanja dhe Greqia paraqesin një pengesë të madhe në aspiratat euro-atlantike të Kosovës, përfshirë anëtarësimin e Kosovës në BE dhe NATO.
Për të zhbllokuar perspektivën e vet euro-atlantike sipas Grupit për Ballkan, Kosovës i duhet të normalizojë marrëdhëniet me Serbinë përmes një marrëveshje ligjërisht të obligueshme.
“Një gjë e tillë kërkon vullnet politik dhe përpjekje diplomatike, sidomos nga ana e Kosovës dhe BE-së. Po ashtu, kërkohet edhe pranimi i plotë i planit ‘Rruga për Normalizim të Marrëdhënieve në mes të Kosovës dhe Serbisë’ nga ana e Serbisë”, thuhet në raport.
Ndërsa për pesë shtetet mosnjohëse të BE-së, minimumi për të rishikuar qëndrimin e tyre në lidhje me pavarësinë e Kosovës thuhet se është arritja e një marrëveshje ligjërisht të obligueshme (në mes të palëve), e cila përmban dispozita për njohjen dhe është në përputhje me të drejtën ndërkombëtare.
Një marrëveshje e tillë sipas Grupit për Ballkan do ishte e mjaftueshme për Greqinë, Rumaninë dhe Sllovakinë për të njohur Kosovën por mbetet e paqartë nëse Qipro, e deri diku edhe Spanja do të mjaftoheshin me kaq.
“Ky ‘prag i lartë’ që mosnjohësit kanë vendosur shfaq implikime që mund të ndikojnë direkt në ritmin e dialogut. Përderisa këto kushte mund të nxisin zhbllokimin e situatës ekzistuese, ato rrezikojnë të gjenerojnë pengesa të tjera që do të vështirësonin arritjen e marrëveshjes dhe përfundimin e procesit. Duke e theksuar elementin ‘ligjërisht të obligueshme’, këto shtete i japin siguri Qeverisë së Kosovës që të përkushtohet për normalizim [që sillet] rreth njohjes së ndërsjellë. Mirëpo, meqë këto shtete e kanë lënë në dorë të Serbisë çelësin për hapjen e perspektives së Kosovës për njohje dhe anëtarësim në BE dhe NATO, Kosova rrezikon të vendoset në pozitë të pafavorshme ku i duhet të zgjedh që të bëjë kompromise të tjera ose të vazhdoj status-quo-në”.
“Me përfshirje aktive në dialogun për normalizimin e marrëdhënieve në mes të Kosovës dhe Serbisë, BE-ja duhet ti jap shtysë të re procesit. Ajo duhet të përfshihet në sekuencimin e procesit, përfshirë nënshkrimin, implementimin dhe miratimin e marrëveshjes. BE-ja në fakt ka një rol kritik në këtë proces dhe produkti final do të varet nga aftësia e saj për të përmbushur këtë mision për arritjen e një marrëveshje në mes të Kosovës dhe Serbisë”, bëhet e ditur tutje në raport.
Dokumenti i paraqitur si ‘Rruga për Normalizim të Marrëdhënieve’, të cilën Kosova dhe Serbia e kanë pranuar publikisht, thuhet se mund të shndërrohet në marrëveshje ligjërisht të obligueshme me ratifikim në Parlamentet e Kosovës dhe Serbisë, gjë që është shumë e rëndësishme për të bindur mosnjohësit.
“Efekt ligjërisht të obligueshëm marrëveshja do të merrte edhe me implementim, i cili planifikohet të zgjasë deri në 6 muaj pas nënshkrimit, ose jo më shumë se deri në fund të vitit 2023. Derisa BE-ja do të vazhdojë të udhëheq bisedimet në mes të palëve, të kryesoj Këshillin e monitorimit dhe të ketë fjalën e fundit në vlerësimin e nivelit të implementimit, ajo duhet gjithashtu të shpall këtë marrëveshje si ligjërisht të obligueshme përmes konkluzioneve dhe deklaratave të lëshuara. Miratimi i marrëveshjes si ligjërisht e obligueshme [në mes të Kosovës dhe Serbisë] me konkluzione të Këshillit të BE-së është i rëndësishëm për Kosovën e Serbinë për të ecur përtej dialogut dhe drejt BE-së. Është po ashtu i nevojshëm për mosnjohësit që të rishikojnë qëndrimin e tyre për pavarësinë e Kosovës. Konkluzionet e reja te Këshillit do të mundësonin zëvendësimin e Konkluzioneve [për Kosovën] të shkurtit të vitit 2008”, përfundon raporti. /Telegrafi/
Të tjera
-
Vuçiq nuk ndalet së provokuari, poston një video nacionaliste kushtuar Kosovës
Presidenti i Serbisë, Aleksandar Vuçiq ka postuar në Instagram një video prov...
-
Këshilltarja e Albin Kurtit shpall fitoren në Preshevë, këshilltari i Besnik Bislimit dështon të fitojë Bujanocin
Përkrahja e kryeministrit të Kosovës, Albin Kurti për dy kandidatët në Luginë...
-
Kurti: Kosova do t’i fuqizojë raportet me Turqinë në dy fusha
Kryeministri Albin Kurti në fjalimin e tij të mbajtur në Forumin e parë Ekono...
-
Kurti çmon raportet ekonomike me Turqinë: Dhjetëra kompani në Turqi, janë nga Kosova
Kryeministri Albin Kurti në Forumin e parë ekonomik të bizneseve ndërmjet Kos...
-
Rasti Thaçi dhe të tjerët, reporteri i luftës Nuhi Bytyçi dëshmon në Hagë
Reporteri i luftës Nuhi Bytyçi, sot do të dëshmojë në Hagë. Ai do të jap d...
-
Policia e Kosovës për 24 orë shqipton mbi 1 mijë e 500 gjoba trafiku
Policia e Kosovës në 24 orët e fundit në ka shqiptuar 1 mijë e 521 gjoba traf...
-
Vapa ia merr jetën më shumë se 50 personave në Indi në tre ditë
Më shumë se 50 persona kanë vdekur në Indi gjatë tre ditëve të fundit, pasi n...
-
Arbër Pajaziti shpall fitoren në Bujanoc, falënderon votuesit
Kandidati nga “Fronti për Ndryshim” Arbër Pajaziti ka shpallur fitoren në Buj...
-
Vazhdon dezinsektimi selektiv kundër rriqrave në Malishevë
Në kudër të zbatimit të strategjisë nacionale për luftimin dhe parandalimin e...
-
Vdẹkje e dyshimtë, një burrë gjendet i shtrirë në trotuar në Mitrovicë
Policia e Kosovës ka njoftuar se një person në Mitrovicë më 2 qershor, është ...
-
Bie nga ballkoni pronari i hotelit në Himarë, përfundon në gjendje të rëndë në spital
Një ngjarje e rëndë raportohet të ketë ndodhur mbrëmjen e djeshme në Himarë. ...
-
Sekuestrohen shtatëmbëdhjetë motoçikleta nё Pejё
Drejtoria Rajonale e Policisë në Pejë, gjatë vikendit të shtunën dhe të dielë...