Lajme

Meliza Haradinaj: Asociacionin as me kompetenca ekzekutive e as të ndërmjetme

Autori: Gazeta inFokus 09:31 | 02 March 2023

Ish-Ministrja e Jashtme e Kosovës, Meliza Haradianj, parasheh se me propozim planin e ri evropian që është pranuar të hënën në Bruksel rrezikohet, siç tha ajo, që në planin e ri të zbatimit të Asociacionit të Komunave me Shumicë serbe të riciklohen 23 çështjet problematike të cilave i identifikoi Gjykata Kushtetuese në aktvendimin e saj në dhjetor të 2015’ës, shkruan Insajderi.

“Rrezikimi që po bën Qeveria me rinegociim, arsyetohet vetëm nëse arrijnë që në planin e ri implementues t’i evitojë edhe kompetencat ekzekutive, edhe ato të ndërmjetme, e poashtu të ruajë mbrojtjen ligjore dhe filtrin final përmes Gjykatës Kushtetutese”.

“Secili epilog tjetër do t’a instalojë pakthyeshëm Serbinë zyrtare në Kosovë, dhe ky fatalitet do t’i faturohet – përveç dy ish kryeministrave Mustafa e Thaçi – edhe kryeministrit aktual Kurti”, përfundoi ajo.

-Advertisement-

Subscribe në YouTube: GAZETA INFOKUSI