OKB kërkon tërheqjen e Rusisë nga Ukraina
Autori: Gazeta inFokus 18:19 | 23 February 2023
Kombet e Bashkuara pritet të votojnë më 23 shkurt një rezolutë që kërkon tërheqjen e trupave ruse nga Ukraina, në prag të përvjetorit të parë të pushtimit të Ukrainës.
Përderisa rezoluta nuk është e detyrueshme, votimi do të shfaqë mbështetjen për Kievin nga e mbarë bota, teksa lufta po vazhdon dhe të dyja palët po përgatiten që të intensifikojnë luftimet në pranverë.
Të mërkurën, sekretari i Përgjithshëm i OKB-së, Antonio Guterres, hapi seancën e posaçme të Asamblesë së Përgjithshme duke dënuar pushtimin rus të Ukrainës që nisi më 24 shkurt 2022.
“Ky pushtim është sulm ndaj ndërgjegjes sonë kolektive”, tha Guterres.
Ai tha se përvjetori i parë është një “moment historik i zymtë për popullin dhe komunitetin ndërkombëtar”.
Ministri i Jashtëm i Ukrainës, Dmytro Kuleba, u bëri thirrje delegatëve që të mbështesin rezolutën që sponsorizohet nga aleatët e ngushtë të shtetit të tij.
Rezoluta mbështet sovranitetin dhe integritetin territorial të Ukrainës, bën thirrje për ndaljen e luftimeve dhe i kërkon Rusisë që “menjëherë, krejtësisht dhe pa kushte të tërheqë” forcat e saj nga shteti.
Kuleba u tha delegatëve se ata përballen me një “moment të rëndësishëm”.
“Asnjëherë në historinë e re nuk ka qenë më e qartë vija midis së mirës dhe së keqes. Shteti im dëshiron të jetojë. Shteti tjetër dëshiron të vrasë dhe shkatërrojë”, tha ai.
Por, përfaqësuesi i Rusisë në OKB, Vasily Nebenzya, e quajti Ukrainën “neo-naziste” dhe e akuzoi Perëndimin se po e sakrifikon këtë shtet dhe botën e zhvilluar për dëshirën e saj që ta mposhtë Rusinë.
“Ata janë të gatshëm ta zhysin të gjithë botën në humnerën e luftës” për të mbajtur “hegjemoninë” e tyre, tha Nebenzya.
Por, këto akuza u hodhën poshtë nga shefi i diplomacisë së Bashkimit Evropian, Josep Borrell.
“Dua të theksoj: kjo luftë nuk është ‘çështje evropiane’. Nuk ka të bëjë me ‘Perëndimin kundër Rusisë’”, tha Borrell në Asamblenë e Përgjithshme të OKB-së.
“Jo, kjo luftë e paligjshme shqetëson të gjithë: Veriun, Jugun, Lindjen dhe Perëndimin”, tha ai.
Ambasadorja amerikane në OKB, Linda Thomas-Greenfield, tha se rezoluta do të shfaqë fuqinë e mbështetjes botërore për Kievin.
“Ne do të shohim ku qëndrojnë shtetet e botës sa i përket çështjes së paqes në Ukrainë”, tha ajo.
Gjatë votimit për rezolutën do t’i kushtohet vëmendje e veçantë Kinës, Indisë dhe 30 shteteve të tjera që kishin abstenuar gjatë rezolutave të mëhershme të miratuara nga OKB-ja në mbështetje të Ukrainës.
Që nga viti i kaluar, India dhe Kina kanë kritikuar kërcënimet e vazhdueshme të Moskës për përdorimin e armëve bërthamore nëse Rusia ndien se ka kërcënim ekzistencial./REL
Të tjera
-
Dyshohen për dhjetë vjedhje të rënda – Policia arreston dy persona, kërkon dy të tjerë
Siguria publike në Kosovë konsiderohet se po cenohet nga krime të natyrave të...
-
Kremlini njofton për telefonatën Putin-Vuçiq: U përmend edhe lufta në Ukrainë
Pasi presidenti serb Aleksandar Vuçiq raportoi sot për një telefonatë me pres...
-
Berisha për aksionet në Veri: Kurtit e Vuçiqit i duhen këto aksione për ti mbuluar dështimet e tyre
Deputeti i PDK-së, Hisen Berisha, për FrontOnline, thotë se Qeveria Kurti për...
-
Ursula von der Leyen javën e ardhshme në rajon, takime me Osmanin e Kurtin në Kosovë
Javën e ardhshme, Presidentja e Komisionit Europian, Ursula von der Leyen do ...
-
“Jam e lumtur se po vdes për Kosovën”-Historia e dëshmores, Luljeta Shala e cila la gjithçka dhe ra heroikisht për lirinë e Kosovës
Ekipa e Infokusit ka realizuar film-dokumentarin për jetën e dëshmores Luljet...
-
Presidentja e Komisionit Europian Von der Leyen tur në vendet e Ballkanit, e nis të mërkurën nga Shqipëria
Presidentja e Komisionit Europian Ursula von der Leyen, do të nisë një tur në...
-
Shukri Buja ftesë të detyrueshme nga Specialja, udhëton në Hagë
Ish-komandanti i UÇK-së në Zonën e Nerodimes, Shukri Buja, ka udhëtuar në Hag...
-
Pacolli viziton Thaçin në Hagë: Presidenti ishte në gjendje të mirë!
Kryetari i AKR-së, Behgjet Pacolli ka zhvilluar vizitë në Dhomat e Specializu...
-
Haradinaj në New York, merr titullin anëtar nderi i përjetshëm i Federatës ‘VATRA’
Kryetari i AAK’së, Ramush Haradinaj, u nderua me titullin “Anëtar Nderi” i pë...
-
Nesër mbahet testimi për ushtarët e rinj të Kosovës, detajet që duhet të kihen parasysh
Nga nesër do të nisë testimi për kandidatët të cilët kanë aplikuar për ushtar...
-
Bajrami, Muratit: Manipulanti jeni ju, 440 mijë gra e 237 mijë burra janë jashtë tregut të punës
Deputetja e Lidhjes Demokratike të Kosovës, Hykmete Bajrami i reagoi Minsistr...
-
Qeveria s’ka dilema për përfitimin e milionave nga Plani i Rritjes, BE-ja thotë se varet nga progresi në dialog
Qeveria e Kosovës nuk parasheh pengesa në përfitimin e pagesës së parë nga Ba...