Zyra e Kryeprokurorit: Qeveria s’lejoi rekrutimin e mbrojtësve të viktimave
Autori: Gazeta inFokus 21:46 | 15 February 2023
Qeveria e Kosovës nuk ka lejuar rekrutimin e tetë mbrojtësve të viktimave për këtë vit, thonë nga Zyra e Kryeprokurorit të Shtetit.
Qeveria nuk është përgjigjur në këtë por nga Zyra për Mbrojtjen e ndihmës të viktimave që funksionon në kuadër të Zyrës së Kryeprokurorit të Shtetit, kanë thënë se numri që është tani është i pamjaftueshëm, për shkak të rritjes së rasteve, sidomos të dhunës në familje.
Personi i parë që kontaktohet nga Policia në rastet e vrasjeve, dhunës në familje e abuzimeve seksuale, është mbrojtësi i viktimave.
Në tërë Kosovën, janë vetëm 16 persona që punojnë në kuadër të Zyrës së Kryeprokurorit të Shtetit, por që ky numër po shihet si i pamjaftueshëm, për të përballur rastet që pranojnë.
“Që nga fillimi i punës në vitin 2002 kjo zyre, jemi sfidua me probleme të ndryshme, sidomos me zyre me staf për arsye kemi sidomos kohëve të fundit, kemi raste të cilat janë në rritje e sipër, kemi raste shumë, për shembull regjioni i Prishtinës, diku 960 raste vitin që lëmë pas, dhe kemi vetëm 5 mbrojtës të viktimave, paramendoni se sa raste secilit mbrojtës i ka ra për me punu dhe më dhënë kontributin çfarë duhet me dhënë”, ka deklaruar Burhan Maxhuni.
Maxhuni, i cili është ushtrues detyre i udhëheqësit të menaxherit të Zyrës për Mbrojtje dhe Ndihmë Viktimave, thotë se institucionet duhet të merren më seriozisht me këtë zyre, për shkak të rëndësisë që ka.
“Jo vetëm për mbrojtës të viktimave, ne kemi edhe për zyre pak vështirësi sfidohemi, kemi vështirësi edhe me vetura, domethënë duhet pak më shumë vëmendje, nga të gjitha institucionet tjera për këtë zyre sepse është zyre model, për shtet përreth”, ka thënë ai.
Shtimin e numrit të tyre, e sheh si të domosdoshme edhe avokati Yll Zekaj, i cili thotë se kjo ndikon edhe në punën e tyre.
“Dhe kjo na tregon se është një numër i pamjaftueshëm, për rolin dhe rëndësinë që e kanë zyra për mbrojtjen e viktimave, duke pasur parasysh që roli i tyre, është 24 orë në ditë dhe 7 ditë në javë, në çdo rast kur kemi ndonjë viktimë të krimit coftë rastet e dhunës në familje të trafikimit me qenie njerëzore, dhe vepra të tjera penale, që kemi viktima, dhe në atë rast dera e parë për tu iu drejtuar në bazë të legjislacionin penal, është mbrojtësit e viktimave”, ka thënë Zekaj.
Mbrojtësit e viktimave shpesh kanë qenë adresë e shumë kritikave, në rastet e vrasjeve ndaj grave e dhunës në familje, e që sipas Zekajt, mungesa e resurseve nuk duhet të jetë arsyetim.
Ditë më parë, në një intervistë për RTV Dukagjinin, Nazlie Balaj, këshilltarja e ministres së Drejtësisë, ka thënë se janë duke bashkëpunuar me zyrën e kryeprokurorit të shtetit për të rritur numrin e mbrojtësve të viktimave.
Por të kundërtën e thonë nga ky institucion.
“Nga marrja e vendimit të datës 23.11.2022 me numër 1458/2022, të Këshillit Prokurorial të Kosovës për pezullimin e raporteve me Qeverinë e Kosovës, Prokurori i Shtetit nuk i është përgjigjur ftesave të Ministrisë së Drejtësisë. Ndërkaq, sa i përket numrit të mbrojtësve të viktimave, theksojmë se numri i tyre është i pamjaftueshëm. 16 mbrojtës të viktimave dhe 7 mbikëqyrës regjional kemi aktualisht në gjithë territorin e vendit. Edhe përkundër kërkesave për lejimin e mjeteve buxhetore për rekrutimin edhe të tetë mbrojtësve të viktimave, nuk janë ndarë mjete nga Qeveria e Kosovës për të pranuar mbrojtës të ri të viktimave gjatë viti 2023”, thuhet në përgjigjen e Zyrës së Kryeprokurorit.
Në lidhje me këtë, gjatë ditës nuk kanë kthyer përgjigje nga Qeveria e Kosovës, e as nga Ministria e Drejtësisë.
Të tjera
-
Dje përfundoi periudha transitore e BQK’së për dinarin, nga sot euro valuta e vetme për transaksione në Kosovë
Dje ka përfunduar periudha transitore e Bankës Qendrore të Kosovës rreth çësh...
-
Studentët e Infermierisë tregojnë nëse pas studimeve do tё qёndrojnë për të punuar nё Kosovë
Organizata joqeveritare Dita e Infermierëve “NURSE DAY”, e themeluar nё filli...
-
Ndërron jetë ish-ushtari i UÇK-së, Esat Tahiri
Ka ndërruar jetë ish-ushtari i UÇK-së, Esat Tahiri. Lajmin e ka bërë të di...
-
Arrestohet shtetasi i Shqipërisë, përdori identitetin e tjetërkujt për t’u pajisur me letërnjoftim të Kosovës
Një shtetas i Shqipërisë është arrestuar pasi dyshohet se ka përdorur identit...
-
Abazi: Stili i vetëm që ka Kurti është viktimizimi
Ish-deputeti i Lëvizjes Vetëvendosje, Haki Abazi, e konsideron fajtor ish-she...
-
Rama sot në Athinë, do të takohet me shqiptarët atje
Sot me fillim nga ora 11:00, kryeministri i Shqipërisë, Edi Rama do të zhvill...
-
Një vajzë në Fushë Kosovë rrẩḣet nga vëllai i saj
Një vajzë në Fushë Kosovës ka raportuar se është rrahur nga vëllai i saj. ...
-
Zogaj flet për projektet madhore në Kryeqytet: Nënkalimi, sheshi “Xhorxh Bush” e Lojërat Mesdhetare, prioritet i yni
Nënkryetari i komunës së Prishtinës Alban Zogaj ka thënë për Ekonomia Online ...
-
Gruaja e raporton të zhdukur burrin e saj, thotë se doli me veturë dhe nuk e di vendndodhjen e tij
Një grua e ka raportuar të zhdukur bashkëshortin e saj. Ajo ka thënë se ai...
-
Ftesa e Kurtit për darkë pune me opozitën, pranon PDK-ja dhe e refuzon LDK-ja e AAK-ja
Kryeministri i vendit, Albin Kurti, i ka komentuar përgjigjet e partive opozi...
-
Bashkësi jashtëmartesore me person nën 16 vjeçare- e mitura kthehet te prindi, i dyshuari lirohet
Një person është arrestuar e më pas është liruar në procedurë të rregullt, pa...
-
Burrë e grua rrằḣin njëri-tjetrin në Pejë
Policia ka njoftuar për një rast të dhunës në familje në Pejë. Atje burrë ...