Lajme

Pas 200 milion zogjve të ngordhur, gripi i shpendëve përhapet te gjitarët në Mbretërinë e Bashkuar

Autori: Gazeta inFokus 10:54 | 02 February 2023

Shpërthimi më i madh ndonjëherë i gripit të shpendëve është përhapur te gjitarët, duke përfshirë lundërrat dhe dhelprat në Mbretërinë e Bashkuar.

Shifrat e publikuara në BBC tregojnë se virusi ka çuar në vdekjen e rreth 208 milionë zogjve në mbarë botën dhe të paktën 200 raste të regjistruara te gjitarët.

Drejtuesit e shëndetit publik paralajmërojnë se mutacioni tek gjitarët mund të shohë një kalim te njerëzit, por rreziku për publikun është shumë i ulët.

-Advertisement-

Agjencia e Sigurisë Shëndetësore në Mbretërinë e Bashkuar ende këshillon se gripi i shpendëve është kryesisht një sëmundje e shpendëve, por ekspertët në të gjithë globin po shqyrtojnë rreziqet e përhapjes së tij në specie të tjera.

Në mbarë botën, virusi është gjetur në një sërë gjitarësh, duke përfshirë arinjtë e thinjur në Amerikë, si dhe te delfinët dhe fokat.

66 gjitarë, duke përfshirë foka, u testuan dhe u zbulua se nëntë lundërza dhe dhelpra ishin pozitive për gripin e shpendëve (HPAI) H5N1 shumë patogjene.

Besohet se ata ishin ushqyer me zogj të egër të ngordhur ose të sëmurë të infektuar me virusin.

Kafshët u zbuluan se kishin një mutacion të virusit që mund ta bënte më të lehtë infektimin e gjitarëve, por nuk kishte prova të transmetimit midis gjitarëve.

Subscribe në YouTube: GAZETA INFOKUSI
Etiketa:
Artmotion vjen me Super Zbritje – Mos e humb!
-Advertisement-

Të tjera

Fokusi

lajme