Lajme

Hoti: Marrëdhëniet me SHBA-të janë ekzistenciale për Kosovën

Autori: Gazeta inFokus 22:43 | 29 January 2023

Ish-kryeministri i Kosovës, Avdullah Hoti, ka thënë të dielën se marrëdhëniet me Shtetet e Bashkuara të Amerikës janë ekzistenciale për Kosovën, jo për SHBA-në.

Përmes një postimi në Facebook, Hoti ka shkruar se “duhet të angazhohemi të gjithë për të mirëmbajtur miqësinë tonë të përhershmë me ShBA-në, që është mbështetësi kryesor i Kosovës”.

Më pas ai ka shkruar për vlerat e përbashkëta që sipas tij Kosova dhe SHBA-ja ndajnë me njëra tjetrën.

-Advertisement-

“(1) përkushtimi për të mbrojtur liritë individuale dhe kolektive,

(2) mbrojtja dhe avancimi i demokracisë,

(3) shtypi i lirë dhe shoqëria civile dinamike që e mbikëqyrin pushtetin,

(4) ndarja e qartë e pushtetit ekzekutiv e legjislativ nga gjyqësori, si dhe

(5) ekonomia e lirë të tregut dhe konkurrenca si bazë për zhvillim dhe mirëqenie individuale e kolektive“, ka deklaruar Hoti.

Opozita po e kritikon kryeministrin e Kosovës, Albin Kurtin për cenimin e raporteve me SHBA-të.

Subscribe në YouTube: GAZETA INFOKUSI
Blerando i Big Brother Vip Kosova – fytyra e re e Prince Espresso
-Advertisement-

Të tjera

Fokusi

lajme