Lajme

Policia arreston dy persona për mashtrime me Call Center

Autori: Gazeta inFokus 21:07 | 16 December 2022

Pasi Prokuroria e Posaçme kundër Korrupsionit dhe Krimit të Organizuar kërkoi arrestimin e dy personave, për mashtrime të kryera përmes Call Center-ave, Policia e Tiranës ka ekzekutuar masat dhe ka vënë në pranga dy shtetasit.

Ky operacion në Shqipëri u krye nga Njësia C dhe janë kontrolluar 13 ambiente, qendra thirrjesh dhe banesa.

Gjatë kontrolleve u gjetën dhe u sekuestruan, 162 pajisje kompjuterike (njësi kompjuterike, servera,DVR, etj) etj., aparate celulare, si dhe 11 pasuri të paluajtshme në pronësi të shtetasve J.M dhe M.D (banesa, truall, aktivitete tregtare, etj).

-Advertisement-

Për dy shtetasit është caktuar masa arrest me burg.

Sipas SPAK-ut, hetimet nxorën në dritë ekzistencën e një grupi kriminal që synonte kryerjen e mashtrimeve ndaj individëve të cilët mashtronin qytetarë të shumtë që banonin në Itali dhe në vende të tjera evropiane (Spanjë dhe Gjermani), të kontaktuar kryesisht përmes telefonit, i bindnin viktimat e tyre të investonin në instrumente financiare realisht inekzistente, me premtimin e normave të larta të kthimit.

Në periudhën nga muajt e parë të vitit 2019 deri në verën e vitit 2020, është verifikuar që këto investime pilotoheshin në platformën e tregtimit financiar online “CAPITAL COIN EXCHANGE” e menaxhuar nga kompania “DIRECT COIN LIMITED” në Londër, e cila premtonte rendimente shumë të larta ekonomike.

Subscribe në YouTube: GAZETA INFOKUSI
Intervistë: Dr. Gorazd Konjanovski – Klinika Zhan Mitrev ka luajtur një rol kyç në vendosjen e themeleve në kardiokirurgji dhe…
-Advertisement-

Të tjera

Fokusi

lajme