Pas dorëheqjes së Enver Pecit, gjyqtarja Mejreme Memaj është zgjedhur ushtruese e detyrës së kryetares së Gjykatës Supreme
Autori: Gazeta inFokus 12:19 | 14 December 2022
Këshilli Gjyqësor i Kosovës (KGJK), në takimin e 300-të, të mbajtur të mërkurën, ka zgjedhur gjyqtaren Mejreme Memaj, si ushtruese të detyrës së kryetares së Gjykatës Supreme.
Deri tek zgjedhja e gjyqtares Memaj në këtë pozitë, ka ardhur pas dorëheqjes së ish-kryetarit të Gjykatës Supreme, gjyqtarit Enver Peci, raporton “Betimi për Drejtësi”.
Kryesuesi i KGJK-së, Albert Zogaj ka njoftuar se Këshilli ka miratuar dorëheqjen e ish-kryetarit Peci nga kjo pozitë, pasi i njëjti është rekomanduar për dekretim tek presidentja e Republikës së Kosovës, Vjosa Osmani, si gjyqtar në Gjykatë Kushtetuese.
Më 24 nëntor 2022, Kuvendi i Kosovës i ka propozuar presidentes së vendit, Vjosa Osmani, emërimin e Enver Pecit si gjyqtar i Gjykatës Kushtetuese.
Peci ishte dekretuar si kryetar i Gjykatës Supreme më 15 shtator 2017 nga ish-presidenti Hashim Thaçi, me mandat 7 vjeçar.
Për caktimin e ushtruesit të detyrës së Gjykatës Supreme, anëtarët e Këshillit kishin dy propozime për këtë pozitë, njëri ishte propozimi për gjyqtaren Mejreme Memaj, e cila deri më tani ka ushtruar pozitën e nënkryetares së kësaj gjykate, si dhe një propozim ishte për gjyqtarin Afrim Shala, i cili tash së fundi është avancuar si gjyqtar në Gjykatën Supreme.
Mirëpo, anëtarët e Këshillit votuan që gjyqtarja Memaj të caktohet si ushtruese e detyrës deri në zgjedhjen e kryetarit të ri të Gjykatës Supreme.
“Betimi për Drejtësi”, sjellë detaje nga biografia e gjyqtares Mejreme Memaj, sipas të dhënave të faqes zyrtare të Gjykatës Supreme.
Sipas këtyre të dhënave, gjyqtarja Memaj është gjyqtare në Gjykatë Supreme. Ka diplomuar në vitin 2000, në Fakultetin Juridik, Universiteti i Prishtinës. Provimin e Jurisprudencës e kreu në vitin 2004, kurse praktikën profesionale e mbaroi ne Gjykatën e Qarkut në Pejë, në vitin 2002.
Në vitet 2003-2004, ishte zyrtare ligjore në Ministrinë e Ekonomisë dhe Financave në Prishtinë, kurse më pas për disa muaj punoi si zyrtare e monitorimit për kundërvajtje – Departamenti i Administratës Gjyqësore, në Prishtinë.
Nga fillim i vitit 2005 deri në gjysmën e vitit 2010, shërbeu si bashkëpunëtore profesionale në Gjykatën Supreme të Kosovës. Në vitin 2010, u emërua gjyqtare në Gjykatën e Qarkut në Prishtinë. Ndërsa, 1 janari i viti 2013 ishte gjyqtare në Gjykatën e Apelit të Kosovës deri në vitin 2019, kur u zgjodh gjyqtare e Gjykatës Supreme. Përpos gjuhës amtare (shqip) flet edhe serbisht dhe anglisht.
Ndryshe, takimi i KGJK-së po vazhdon me pika tjera të rendit të ditës.
Të tjera
-
Kurti thirrje diasporës së Kosovës të votojnë në zgjedhjet e BE-së: Socialdemokratët mbrojnë demokracinë
Kryeministri i Kosovës, Albin Kurti, ka kërkuar nga diaspora shqiptare që në ...
-
Muhaxheri flet për Vjosa Osmanin: Kur je i ri s’duhet me synu pozita të larta se pensionohesh herët
Nënkryetari i LDK-së, Gazmend Muhaxheri në emisionin “Click” të RTV21 duke fo...
-
Aksident mes një veture dhe motoçiklete në Prishtinë
Raportohet se ka ndodhur një aksident mes një veture dhe motoçiklete në Prish...
-
Limaj: Mos-shkarkimi i Kusarit tregon që ka qenë në koordinim me Kurtin
Kreu i Nismës socialdemokrate, Fatmir Limaj, në emisionin “Politiko” me Kusht...
-
Presidentja Osmani nesër viziton Drenasin, bashkë me Lladrovcin do të dalin në konferencë për media
Në kuadër të vizitave të komunave të vendit, Presidentja e Republikës së Koso...
-
Qeveria i kundërpërgjigjet QUINT-it për shpronësimin e pronave në veri: Konstatuat në mënyrë të gabuar gjendjen faktike
Qeveria e Kosovës i ka reaguar shteteve të QUINT-it të cilët nuk u pajtuan rr...
-
Hill: Procesi i Brukselit e vetmja rrugë për zgjidhjen e problemeve Kosovë – Serbi që kanë rrënjë të thella në histori
Shtetet e Bashkuara janë të kënaqura me politikën e qeverisë serbe ndaj dialo...
-
Sërish kërkesë nga partia “Junts” që Spanja ta njohë Kosovën
Kandidati i partisë katalunase “Junts” për zgjedhjet evropiane, Toni Comin, k...
-
Sveçla në Itali, me homologun e tij flasin për bashkëpunim kundër krimit të organizuar dhe migrimit ilegal
Ministri i Punëve të Brendshme të Kosovës, Xhelal Sveçla është pritur nga hom...
-
“Tre muaj kam punu me Leutrimin, ia kam pa lotët” – flet Skulptori Behramaj
Skulptori Sabri Behramaj ka treguar për përjetimet e tij derisa ka punuar me ...
-
Kurti lavdëron AKI’në dhe Policinë e Kosovës
Kryeministri i Kosovës Albin Kurti e ka vlerësuar lartë punën e Agjencisë Kos...
-
Stoltenberg: BE-ja nuk është për mbrojtje, për këtë është NATO
Sekretari i Përgjithshëm i NATO-s, Jens Stoltenberg thotë se BE-ja nuk mund t...