Takimi Biden-Xi, udhëheqësit kërkojnë të shmangin konflikte
![](https://gazetainfokus.com/wp-content/uploads/2022/11/c9c8ef31-496f-41f5-82be-04d559ef9a40-852x460.jpg)
Autori: Gazeta inFokus
18:47 | 14 November 2022
Shtëpia e Bardhë tha se Presidenti Joe Biden dhe ai kinez Xi Jinping, zhvilluan diskutime “të hapura dhe të sinqerta”. Të dy presidentët ndodhen në Bali të Indonezisë për samitin e Grupit të 20 vendeve më të zhvilluara. Takimi zhvillohet ndërsa superfuqitë synojnë të “menaxhojnë” dallimet mes tyre ndërsa konkurrojnë për ndikimin global mes tensioneve në rritje ekonomike dhe atyre të sigurisë.
Presidenti Joe Biden kundërshtoi “veprimet gjithnjë e më agresive” të Kinës ndaj Tajvanit dhe ngriti shqetësime për të drejtat e njeriut në lidhje me sjelljen e Pekinit në rajonin Xinjiang, Tibet dhe Hong Kong gjatë takimit të tij të parë të drejtpërdrejt të hënën me Presidentin Xi Jinping, tha Shtëpia e Bardhë.
Në një konferencë shtypi pas takimit, presidenti Biden përsëriti mbështetjen e Shteteve të Bashkuara për politikën e saj afatgjatë të një Kine të vetme.
“Politika jonë e një Kine nuk ka ndryshuar. Ne kundërshtojmë ndryshime të njëanëshme të status-kuosë nga secila palë, dhe jemi të angazhuar për të ruajtur paqen dhe qëndrueshmërinë në ishullin e Tajvanit”, tha presidenti.
Presidenti shtoi se pavarësisht kërcënimeve të Pekinit kohët e fundit, ai nuk beson se “ka ndonjë përpjekje të afërt nga ana e Kinës për të pushtuar Tajvanin”.
Takimi, në mes të një turneu shtatë-ditor të presidentit Biden në botë, erdhi ndërsa superfuqitë synojnë të “menaxhojnë” dallimet mes tyre ndërsa konkurrojnë për ndikim global mes tensioneve në rritje ekonomike dhe atyre të sigurisë.
“Bota pret që Kina dhe Shtetet e Bashkuara të trajtojnë siç duhet marrëdhëniet. Dhe takimi ynë ka tërhequr vëmendjen e botës. Kështu që duhet të punojmë me të gjitha vendet për të sjellë më shumë shpresë për paqen botërore, besim më të madh në stabilitetin global dhe një shtysë më të fortë për zhvillimin e përbashkët”, tha para takimit presidenti Xi.
Presidentët Biden dhe Xi ranë dakord gjithashtu se “një luftë bërthamore nuk duhet të zhvillohet kurrë” dhe nuk mund të fitohet, një referncë ndaj kërcënimeve të fshehta të zyrtarëve rusë për përdorimin e armëve atomike në Ukrainë.
“Diskutuam rreth agresionit rus kundër Ukrainës dhe ndamë besimin e përbashkët se kërcënimi apo përdorimi i armëve bërthamore është absolutisht i papranueshëm”, tha presidenti Biden.
Presidentët Biden dhe Xi ranë dakord të bashkëpunojnë në fusha si ndryshimet klimatike dhe ruajtjen e stabilitetit global financiar, shëndetësor dhe ushqimor.
“A mendoj se ai është i gatshëm të bëjë kompromis për çështje të ndryshme? Po. Unë mendoj se ai e kupton këtë, tha presidenti.
Presidenti Biden tha se kërkoi që sekretari Blinken të udhëtojë në Kinë për të vazhduar diskutimet dhe për të mbajtur të hapura linjat e komunikimit mes të dy vendeve.
Ndihmësit e Shtëpisë së Bardhë janë përpjekur vazhdimisht të minimizojnë çdo nocion të konfliktit me Kinën. Por marrëdhëniet SHBA-Kinë janë bërë gjithnjë e më të tensionuara gjatë presidencës së zotit Biden. /VOA
![](https://gazetainfokus.com/wp-content/uploads/2023/09/Baneri-kryesor-.png)
Të tjera
-
‘Eskavatori’ lë pa ujë disa fshatra në Vushtrri, dëmtuan një gyp gjatë punimeve në autostradë
Kompania e kontraktuar për shtrimin e autostradës Prishtinë-Mitrovicë për...
-
Fundjavë me fluks në Morinë, kosovarët për pushime në Shqipëri edhe në shtator
Edhe mëngjesi i kësaj të shtune ka nisur me fluks qytetarësh e mjetesh nga Ko...
-
Analistët: Veprimet e fundit të Serbisë në raport me Kosovën, përpjekje për destabilizim të Ballkanit
Veprimet e vazhdueshme të Serbisë në raport me Kosovën, sikurse edhe akti i f...
-
Djali i Adem Jasharit, Luli shtrihet në Kardiologji, Lladrovci: S’besoj që ta lë shenjë ty kjo
Kryetari i komunës së Drenasit, Ramiz Lladrovci, ka bërë të ditur se Lulzim J...
-
Vogëlushi i afrohet Kurtit për selfie, pasi e kryen ia vë gishtin në gjoks: Kryeministër ishte kënaqësi, çele Urën e Ibrit
Në ceremoninë e vendosjes së shtatores së presidentit historik, Ibrahim R...
-
Tre të vdẹkur sot në plazhet e Shqipërisë, dy prej tyre kosovarë
Rreth orës 14;50, në lagjen 13 në Durrës, 67-vjeçarja me iniciale A. Gj., ban...
-
Osmani: Strukturat ilegale në veri mbajnë peng integrimin e komunitetit serb
Presidentja e Kosovës, Vjosa Osmani ka pritur në takim të Ngarkuarën me Punë ...
-
Bulliqi i kundërpërgjigjet Hysenit të LDK-së: Je një mjeran politik
Kryetari i Komunës së Podujevës, Shpejtim Bulliqi, i është kundërpërgjigjur a...
-
Qendra për menaxhim kufitar del me njoftim pas hapjes së pikave kufitare
Qendra për menaxhim kombëtar ka njoftuar se janë hapur për qarkullim pikat ku...
-
Selmanaj i drejtohet Osmanit e Gërvallës: Ju guxuat të shanit LDK’në, por nuk guxuat të bëni zë kur Kurti ua shuajti partinë
Pas pranisë së kryeministrit Albin Kurti në inagurimin e shtatores së ish...
-
Sveçla: Serbia në panik, “shkolla ruse” për destabilizim të Kosovës e rajonit po dështon
Ministri i Punëve të Brendshme, Xhelal Sveçla, ka thënë se Serbisë është ...
-
Tahiri pas inaugurimit të shtatores së Ibrahim Rugovës: Lideri që nuk u lëkund, duke mbetur i përkushtuar ndaj një Kosove të lirë
Deputeti i AAK’së, Besnik Tahiri në rastin e ceremonisë së vendosjes së s...