Lajme

Përveç Borrellit, Kurti takon edhe Lajçakun në Paris, diskutuan për zhvillimet e fundit në Kosovë

Autori: Gazeta inFokus 11:52 | 11 November 2022

Kryeministri i Kosovës, Albin Kurti, po merr pjesë në Forumin e Paqes në Paris, ku sot është takuar me përfaqësuesin e Lartë të BE-së për Punë të Jashtme dhe Politikë të Sigurisë, Josep Borrell dhe me përfaqësuesin e posaçëm të Bashkimit Evropian për Dialogun Kosovë – Serbi, Miroslav Lajçak, shkruan Gazeta Infokus.

Sipas njoftimi të Qeverisë, dialogu Kosovë-Serbi, zbatimi i vendimit për targat ilegale, zhvillimet e fundit në Kosovë, dhe çështje tjera aktuale ishin temat qendrore të takimit.

“Kryeministri Kurti theksoi elementet e kornizës së marrëveshjes për normalizimin e plotë të raporteve me njohjen reciproke në qendër, ndërsa tha se propozimi franko-gjerman, që ka mbështetjen e Shteteve të Bashkuara të Amerikës dhe Bashkimit Evropian, i prezantuar nga emisarët Jens Plötner dhe Emmanuel Bonne, shërben si bazë e mirë për diskutime të mëtejshme”, thuhet në komunikatë./Gazeta Infokus/

-Advertisement-

Subscribe në YouTube: GAZETA INFOKUSI