Forumi i organizuar nga Osmani kritikohet për mospjesëmarrjen e grave që kanë shkruar historinë e Kosovës
Autori: Gazeta inFokus 16:15 | 22 October 2022
Nga sot në Prishtinë ka nisur punimet Forumi Ndërkombëtar për Gratë, Paqen dhe Sigurinë që po mbahet me iniciativë të presidentes Vjosa Osmani.
Ky edicion i këtij forumi pritet të grumbullojë mbi 400 pjesëmarrës që janë liderë botërorë, ekspertë, akademikë, përfaqësues të shoqërisë civile, të rinj dhe përfaqësues nga grupe të tjera të interesit.
Por, ky organizim që në fokus ka trajtimin e çështjeve që ndërlidhen më gratë, paqen dhe sigurinë, është kritikuar për mospërfshirje të grave që kanë kontribuar para dhe pas luftës në Kosovë.
I pari që reagoi ishte Drejtori Ekzekutiv i ICK-së, Uranik Begu, i biri i aktivistes për të drejtat e grave, Flora Brovinës, i cili tha se një gjë e tillë nuk i bën nder Kosovës si nikoqire e as nuk mund ta rishkruajë historinë.
“Me u organizu në Kosovë një konferencë për gra & rolin e tyre në paqe, dhe mos me ftu as si mysafire gratë dhe vajzat me kontributin më të çmuar para, gjatë & pas luftës, si shembull të dëshmuar në botë nuk i bon nder Kosovës si nikoqire, por edhe historinë nuk e rishkruan”, tha ai në Twitter.
Një reagim të ashpër për mospjesëmarrjen e grave që kanë kontribuar për vendin në këtë forum e pati edhe anëtarja e LDK-së Melihate Tërmkolli, e cila e quajti “fake presidente” Vjosa Osmanin.
“Historia, pra edhe roli dhe kontributi grandioz i grave shqiptare për Liri, Pavarësi, Paqe e Demokraci, nuk mund të fshehet nga askush, aq më pak nga një ‘Fake Presidente’. Nderim të gjitha grave që punuan e sakrifikuan dhe ende punojnë për këtë vend!”, u shpreh Tërmkolli.
Edhe Sekretari i PDK-së, Betim Gjoshi, pati kritika për presidenten e vendit duke thënë se ftoi gratë e botës që të flasin për luftën dhe paqen dhe injoroi ato kosovare që kanë shkruar historinë e vendit tonë.
“Hipokrizia e ka pamjen e Vjosa Osmanit. Ajo i thërret gratë e botës që të vijnë të flasin për luftën, paqen e lirinë dhe i injoron gratë e Kosovës që guxuan të marrin armën për luftën, paqen dhe lirinë e Kosovës. Sa shumë ka urrejtje kjo grua për çdo shqiptar/e që ka luftuar për vendin e vet”, tha Gjoshi në një postim në Facebook.
E ndonëse u kritikua se harroi gratë kosovare që dhanë kontribut për Republikën e Kosovës, Osmani në fjalën hapëse në këtë forum përmendi kontributin e grave para, gjatë dhe pasluftës në Kosovë.
“Historia e Kosovës është historia e secilës grua që e ka hequr një gur nga rruga drejt barazisë”.
Më pastaj, e para e vendit ndau edhe medalje presidenciale për gratë ukrainase.
“Sot e shprehim mirënjohjen e Ukrainës dhe në veçanti shprehim solidaritet me gratë e Ukrainës që s’po luftojnë vetëm për vendin e tyre, por në të njëjtën kohë janë cak i torturave çnjerëzore, përfshirë edhe përdhunimin”, deklaroi Osmani para të pranishmëve në Forum.
Lidhur me kritikat drejtuar presidentes Vjosa Osmani për organizimin e këtij forumi, Klankosova.tv ka provuar të flasë me dikë nga Zyra e Presidentes, por deri tash kjo gjë ka qenë e pamundur.
Ndryshe, edicioni i parë i Forumit për Gratë, Paqen dhe Sigurinë i është kushtuar trashëgimisë së ish-Sekretares amerikane të Shtetit, Madeleine Albright.
Forumi në edicionin e parë të tij do të mbledhë 126 folës nga 33 shtete, 6 kontinente dhe mbi 400 pjesëmarrës.
Të tjera
-
Tomë Gashi – Korenicës të VV-së: Mirë ish kanë edhe ti të mbulohesh pakëz
Deputeti i VV-së, Visar Korenica, sot në seancën plenare ka ngritur si shqetë...
-
Tri aksidente sonte vetëm në Prishtinë, nuk dihet a ka të lënduar
Tri aksidente u raportuan në Prishtinë mbrëmjen e sontme. Njëri prej tyre ...
-
Hamza: Do ta jap maksimumin që PDK të ketë rol kryesor për krijimin e Qeverisë – për koalicion preferojmë partitë në opozitë
Kandidati për kryeministër i PDK’së, Bedri Hamza i është përgjigjur pyetjes s...
-
Osmani flet nga New Yorku: Mora konfirmim të fuqishëm nga presidenti Biden se do të jetë përkrah Kosovës
Presidentja e Kosovës Vjosa Osmani ka folur për rëndësinë e koordinimit dhe b...
-
Kurti takohen me Nënsekretarin e UNDP-së, i tregon për projektet zhvillimore në veri
Kryeministri i vendit, Albin Kurti, është takuar me nënsekretarin e Përgjiths...
-
Parashikimi i motit për të premten
Për të premten parashikohet të mbajë mot me diell dhe shumë i ngrohtë. Era...
-
“Me 9 shkurt e sheh a kena keqkuptu a jo”, Tomë Gashi debaton me Zana Avdiun e Blerim Latifin për sjelljen e qeverisë me aleatët
Blerim Latifi, profesor universitar ka thënë se problem i Kosovës tashmë ësht...
-
“Shqetësuese, kryeministri nuk hyn në Shtëpinë e Bardhë, e ka të ndalume”, Latifi i drejtohet deputetit të Vetëvendosjes
“Ku na çon përplasja me Amerikën”, është tema që të enjten po diskutohet në “...
-
Hamza për deklaratën e Hovenier: Për keqardhje që hisedarët më të mëdhenj të Kosovës i kemi sjell në situatë të tillë
Kandidati për kryeministër nga radhët e PDK’së, Bedri Hamza ka komentuar dekl...
-
“Ka ambasadorë qe s’i njeh as lagjja e vetë edhe gjyshi jem ka thanë me i rujt trojet tona”
Avokati Tomë Gashi tha se gjuhën që e ka përdorë ish-ambasadorja Jacobson dhe...
-
Hamza: Për Kosovën të gjithë me u bo bashkë nuk jemi boll, Serbia e Vuçiqi janë problemi
Kandidati i PDK-së për kryeministër, Bedri Hamza, ka thënë se në tema naciona...
-
“Një letër që ka qenë kërcënuese”, Kusari-Lila flet për bisedën me Milan Radoiçiqin
Shefja e Grupit Parlamentar të Vetëvendosjes, Mimoza Kusari-Lila, është pyetu...