MD pranoi propozimin për caktimin e një pike kontakti për kërkesat e mbrojtjes në rastin Thaçi dhe të tjerët
![](https://gazetainfokus.com/wp-content/uploads/2022/10/28-2.jpg)
Autori: Gazeta inFokus
11:58 | 10 October 2022
Në bazë të njoftimit të administratores së Dhomave të Specializuara të Kosovës (DhsK), Fidelma Donlon, Ministria e Drejtësisë (MD) ka shprehur dakordësinë e saj lidhur me propozimin e mbrojtjes që të caktohet nga Qeveria një pikë kontakti lidhur me kërkesat e mbrojtjes në rastin ndaj Hashim Thaçit, Kadri Veselit, Jakup Krasniqit e Rexhep Selimit.
Kjo këkresë ishte bërë në konferencën e fundit të mbajtur në rastin ndaj Thaçit dhe të tjerëve, raporton “Betimi për Drejtësi”.
Në njoftimin e administratores, thuhet se në konferencën e 8 shtatorit 2022, gjyqtari i procedurës paraprake ftoi administratoren që të pyes autoritetet përkatëse të Kosovës për mundësinë që ata të caktojnë një pikë kontakti për të marrë kërkesat e mbrojtjes për informacion, bashkëpunim ose ndihmë drejtuar autoriteteve të Kosovës.
“E njëjta pikë kontakti do të ishte gjithashtu përgjegjëse për t’i transmetuar mbrojtjes përgjigjet ndaj kërkesave të tyre”, thuhet tutje.
Njoftimi thotë se në përgjigje të komunikimit të Sekretarit në lidhje me këtë, Ministria e Drejtësisë së Kosovës tregoi dakordësinë e saj me propozimin dhe përcolli detajet e pikave të kontaktit.
“Informacioni përkatës jepet në Shtojcën 2. Në bazë të rregullit 82 (1) (b) dhe (3) të Rregullave, Anekset 1 dhe 2 depozitohen në mënyrë konfidenciale pasi përmbajnë informacion personal”, thuhet tutje në këtë njoftim.
Zyra e Prokurorit të Specializuar, më 30 shtator ka dorëzuar aktakuzën e konfirmuar të ndryshuar ndaj Hashim Thaçit, Kadri Veselit, Jakup Krasniqit dhe Rexhep Selimit, e cila përbëhet nga dhjetë pika me akuza, ku këta të fundit ngarkohen për krime lufte e krime kundër njerëzimit. Kjo pasi, gjykatësi e kishte aprovuar pjesërisht mocionin e mbrojtjes së Hashim Thaçit, të parashtruar ndaj aktakuzës së ndryshuar në rastin ku ai me Kadri Veselin, Jakup Krasniqin e Rexhep Selimin, po akuzohen për krime lufte dhe ZPS ishte urdhëruar të bëjë ndryshime në aktakuzën e ndryshuar.
Në këtë aktakuzë, thuhet se përmes veprimeve dhe mosveprimeve të përshkruara më lart, Hashim Thaçi, Kadri Veseli, Rexhep Selimi dhe Jakup Krasniqi, kanë kryer përmes pjesëmarrjes së tyre në një ndërmarrje të përbashkët kriminale dhe/ose kanë ndihmuar dhe nxitur krimet e ngarkuara në këtë aktakuzë.
Sipas prokurorisë, krahas kësaj ose në alternativë, Hashim Thaçi, Kadri Veseli, Rexhep Selimi dhe Jakup Krasniqi janë përgjegjës si eprorë për krimet e kryera nga vartësit e tyre.
Tutje, aktakuza thotë se Thaçi, Veseli, Selimi dhe Krasniqi, e dinin ose kishin arsye të dinin se krimet e akuzuara në këtë aktakuzë ishin gati të kryheshin ose ishin kryer nga vartësit e tyre dhe nuk kishin marrë masat e nevojshme dhe të arsyeshme për parandalimin e krimeve të tilla ose të ndëshkojnë autorët e saj.
“Hashim Thaçi, Kadri Veseli, Rexhep Selimi dhe Jakup Krasniqi individualisht penalisht përgjegjës për: pikën 1 persekutim mbi baza politike dhe/ose etnike, krim kundër njerëzimit, i dënueshëm sipas nenit 13 (1) (h), 16 (1) ( a), dhe 16 (1) (c) të Ligjit; Pika 2: burgim, krim kundër njerëzimit, i dënueshëm sipas neneve 13 (1) (e), 16 (1) (a) dhe 16 (1) (c) të Ligjit; pikën 3 arrestimi dhe paraburgimi i paligjshëm ose arbitrar, krim lufte, i dënueshëm sipas neneve 14 (1) (c), 16 (1) (a), dhe 16 (1) (c) të Ligjit”, thuhet në aktakuzë nga ana e prokurorisë.
Në pikën 4, ata ngarkohen me veprën akte tjera çnjerëzore, krim kundër njerëzimit, i dënueshëm sipas neneve 13 (1) (j), 16 (1) (a) dhe 16 (1) (c) të Ligjit, kurse në pikën 5 për trajtim mizor, krim lufte, i dënueshëm sipas neneve 14 (1) (c) (i), 16 (1) (a) dhe 16 (1) (c) të Ligjit.
“Pika 6: torturë, krim kundër njerëzimit, i dënueshëm sipas neneve 13 (1) (f), 16 (1) (a) dhe 16 (1) (c) të ligji; Pika 7: torturë, krim lufte, i dënueshëm sipas neneve 14 (1) (c) (i), 16 (1) (a) dhe 16 (1) (c) të Ligjit; Pika 8: : vrasje, krim kundër njerëzimit, i dënueshëm sipas neneve 13 (1) (a), 16 (1) (a) dhe 16 (1) (c) të Ligjit; Pika 9: vrasje, krim lufte, i dënueshëm sipas neneve 14 (1) (c) (i), 16 (1) (a) dhe 16 (1) (c) të Ligjit; Pika 10: zhdukja e detyruar e personave, krim kundër njerëzimit, i dënueshëm sipas neneve 13 (1) (i), 16 (1) (a) dhe 16 (1) (c) të Ligjit”, thotë aktakuza.
Ndryshe, gjykatësi paraprak, më 29 shtator, miratoi kërkesën e Prokurorit të Specializuar për tërheqjen e pretendimeve për krime ndaj të paktën një viktime në Komunën e Ferizajt.
Më 29 prill, Zyra e Prokurorit të Specializuar kishte dorëzuar një aktakuzë të ndryshuar ndaj Hashim Thaçit, Kadri Veselit, Rexhep Selimit e Jakup Krasniqit.
Prokuroria po pretendon se katër të akuzuarit kanë kryer krime lufte edhe në Gjilan, Budakovë e Semetishtë.
Në aneksin e publikuar sa i përket krimeve që pretendohen se ndodhën në Semetishtë dhe Budakovë, prokuroria ka listuar krimet e luftës si arrestimi dhe ndalimi i paligjshëm ose arbitrar, trajtim mizor ose çnjerëzor, torturë, vrasje. Ndërkaq, si krime kundër njerëzimit i ka listuar burgimin, vepra të tjera çnjerëzore, torturën, vrasjen, zhdukjen e personave me forcë dhe persekutimin.
Kurse, për krimet që pretendon që ndodhën në Gjilan, si krime lufte i ka listuar arrestimi dhe ndalimin e paligjshëm ose arbitrar, trajtimin mizor ose çnjerëzor, torturën dhe vrasjen. Ndërsa, si krime kundër njerëzimit ka listuar burgimin, vepra të tjera çnjerëzore, torturën, vrasjen dhe persekutimin.
Më 9 nëntor të vitit 2020, në paraqitjet e tyre të para, Jakup Krasniqi e Hashim Thaçi janë deklaruar të pafajshëm për akuzat që u vihen në barrë.
Njëjtë është deklaruar edhe Veseli në paraqitjen e tij më 10 nëntor, sikurse edhe Selimi më 11 nëntor.
Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor 2020.
Sipas akuzës, së paku midis marsit 1998 deri në shtator 1999, Hashim Thaçi, Kadri Veseli, Rexhep Selimi, Jakup Krasniqi dhe anëtarë të tjerë të ndërmarrjes kriminale të përbashkët kishin qëllimin e përbashkët për të siguruar dhe ushtruar kontroll mbi të gjithë Kosovën përmes metodave që përfshinin frikësimin, keqtrajtimin, ushtrimin e dhunës dhe eliminimin e paligjshëm të atyre që konsideroheshin si kundërshtarë.
“Ndër këta kundërshtarë përfshiheshin persona që ishin, ose që konsideroheshin se kishin qenë: (a) bashkëpunëtorë ose të lidhur me forca, zyrtarë ose institucione shtetërore të RFJ-së, ose që (b) ndryshe nuk mbështetnin qëllimet ose metodat e UÇK-së dhe më vonë të QPK-së, ndër të cilët persona të lidhur me LDK-në dhe serbë, romë dhe persona të kombësive të tjera (bashkërisht, ‘kundërshtarët’). Ky qëllim i përbashkët përfshinte krimet e përndjekjes, burgosjes, arrestimit dhe ndalimit arbitrar ose të paligjshëm, akte të tjera çnjerëzore, trajtimin mizor, torturën, vrasjen dhe zhdukjen me forcë të personave”, thuhet në aktakuzë.
Tutje, në aktakuzë përmenden edhe Azem Syla, Lahi Brahimaj, Fatmir Limaj, Sylejman Selimi, Rrustem Mustafa, Shukri Buja, Latif Gashi dhe Sabit Geci.
Sipas aktakuzës, të akuzuarit bashkë me udhëheqësit tjerë të UÇK-së kontribuuan në arritjen e qëllimit t përbashkët.
“Si alternativë, disa ose të gjithë këta individë nuk ishin anëtarë të ndërmarrjes kriminale të përbashkët, por u përdorën nga anëtarë të ndërmarrjes kriminale të përbashkët për të kryer krime për realizimin e qëllimit të përbashkët (së bashku me anëtarët e NKP-së, bashkërisht ‘anëtarët dhe instrumentet e NKP-së’)”, thotë akti akuzues. /BetimipërDrejtësi
![](https://gazetainfokus.com/wp-content/uploads/2024/08/FotoLajm.jpg)
Të tjera
-
MPJD thotë se Bërnjaku mbetet i mbyllur deri në largimin e personave të maskuar, ka një apel për mërgimtarët
Ministria e Punëve të Jashtme dhe Diasporës ka deklaruar se pika kufitare në ...
-
Ky është vendimi i vetëm që u mor në mbledhjen e sotme të Qeverisë
Qeveria e Republikës së Kosovës ka emëruar Komisionin Ad hoc të Pranimit ...
-
Gërvalla: Persona të maskuar po ndalojnë veturat në kufi, policia serbe veç po i shikon e nuk ndërhyn
Ministrja e Punëve të Jashtme dhe Diasporës, Donika Gërvalla ka n...
-
Bllokimi i rrugëve në Serbi, kundërpërgjigjet Qeveria, mbyll Bërnjakun për qarkullim – Sveçla përmend arsyen
Ministri i Brendshëm, Xhelal Sveçla thotë se grupe ekstremistësh të masku...
-
Kryediplomati i Turqisë mbikëqyrë punimet për Xhaminë Qendrore, po ndërtohet me paratë turke
Kryediplomati i Turqisë, Hakan Fidan, ka mbikëqyrur nga afër punimet që p...
-
Osmani nesër merr pjesë në ceremoninë e zbulimit të shtatores së Presidentit Ibrahim Rugova në Podujevë
Presidentja Vjosa Osmani do të marrë nesër pjesë në ceremoninë e zbulimit të ...
-
Hoxhaj: Politikanët e padijshëm që po qeverisin vendin dhe emisarët papeshë në Evropë, i degraduan marrëdhëniet e Kosovës me BE-në
Deputeti i PDK-së, Enver Hoxhaj e ka quajtur ‘të padijshme’ Qeverinë Kurti. A...
-
Osmani: Policia, garant i sigurisë dhe stabilitetit në Kosovë
Me rastin e 25-vjetorit të themelimit të Policisë së Kosovës, Presidentja e R...
-
Bllokimi i kufinjve serbë, MPB-ja tregon në cilat pikat ndalohet hyrje-dalja me dokumente “RKS”
Dhjetëra serbë janë mbledhur në pikat kufitare të Serbisë, për të bllokuar hy...
-
Kurti ndjek nga afër demonstrimin e përgatitjeve dhe aftësive të njësive elite të Policisë, thurr lavde
Kryeministri Albin Kurti ka marrë pjesë sot në një demonstrim të ...
-
Një autobus nga Kosova nuk lejohet të futet në Serbi, Elshani: Është kthyer nga Policia, s’kishte vula
Një autobus me udhëtar është kthyer mbrapa në pikën kufitare në Bërnjak dhe n...
-
Maqedonci: Kosova ka vendosur të dhurojë një flotë automjetesh për Ukrainën
Ministri i Mbrojtjes Ejup Maqedonci ka njoftuar përmes një postimi në Fac...