Biden: Ideologjia e Trumpit kërcënon demokracinë amerikane
Autori: Gazeta inFokus 09:23 | 02 September 2022
Presidenti amerikan, Joe Biden, ka kritikuar më 1 shtator, Donald Trumpin dhe mbështetësit e tij “ekstremistë”, duke i cilësuar ata si armiq të demokracisë amerikane.
Duke folur në Filadelfi, presidenti amerikan sulmoi të gjithë republikanët që mbështesin ideologjinë e ish-presidentit Trump “Ta bëjmë Amerikën të Shkëlqyeshme Përsëri (MAGA)” dhe u bëri thirrje mbështetësve të tij që ta luftojnë këtë ideologji.
“Donald Trump dhe republikanët MAGA paraqesin një ekstremizëm që kërcënon themelet e republikës sonë”, tha Biden duke folur pranë vendit ku u miratuan mbi dy shekuj më parë Deklarata e Pavarësisë dhe Kushtetuta amerikane.
“Ata përqafojnë zemërimin. Ata lulëzojnë në kaos. Ata nuk jetojnë në dritën e së vërtetës, por nën hijen e gënjeshtrës”, tha Biden.
“Nuk ka vend për dhunë politike në Amerikë. Pikë. Asnjë vend. Kurrë”, tha presidenti demokrat. Kjo deklaratë ishte referencë ndaj sulmit ndaj Kongresit amerikan vitin e kaluar nga mbështetësit e Trumpit, të cilët refuzonin që të pranonin humbjen e tij në zgjedhjet presidenciale.
Duke përmendur sulmin mbarëkombëtar ndaj të drejtave të abortit nga konservatorët e linjës së ashpër – dhe frikën se liritë e tjera nga qasja në kontracepsion e deri te martesat e gjinisë së njëjtë – presidenti amerikan akuzoi se “forcat MAGA” janë “të vendosura që ta kthejnë shtetin prapa”.
Teksa po luftohet për kontrollin e Kongresit në zgjedhjet e nëntorit, Biden iu drejtua republikanëve tradicionalë që t’i bashkojnë forcat me demokratët dhe të refuzojnë politikën e Trumpit, që ende ka ndikim mbi pjesën më të madhe të Partisë Republikane.
Biden e bëri të qartë se demokratët synojnë që zgjedhjet e nëntorit t’i shndërrojnë një referendum për Trumpin, duke thënë se Partia Republike është tërësisht “e dominuar dhe e frikësuar” nga ish-presidenti dhe agjenda e tij MAGA.
“Dhe kjo paraqet kërcënim për këtë shtet”, tha ai, duke insistuar se demokracia amerikane duhet të mbrohet.
“Mbrojeni atë. Ngrihuni për demokracinë”, bëri thirrje Biden.
Trump është kundërpërgjigjur ndaj akuzave të Bidenit përmes rrjetit të tij social, Truth Social. Ai tha se Biden nuk është i kualifikuar për të qenë president.
“Nëse ai nuk dëshiron që ta bëjë Amerikën të Shkëlqyeshme Sërish, që përmes fjalëve, medimeve dhe veprimeve, ai nuk do, atëherë ai nuk duhet të përfaqësojë Shtetet e Bashkuara të Amerikës”, shkroi Trump.
Fjalimi i Bidenit – që u prezantua si fjalim për “betejën për shpirtin e kombit” – kishte për bazë një artikull që ai botoi më 2017 në The Atlantic, pas një proteste vdekjeprurëse të nacionalistëve të bardhë në Çarlostvill të Virxhinias, ngjarje, që sipas Biden, e shtyri atë të garojë për president.
“Ne po jetojmë në një betejë për shpirtin e këtij kombi”, kishte shkruar atëbotë Biden.
Sipas një sondazhi të publikuar më 1 shtator nga The Wall Street Journal, nëse zgjedhjet për Kongres do të mbaheshin sot, 47 për qind e votuesve të regjistruar do të votonin për demokratët dhe 44 për qind për republikanët.
Në mars, sondazhet treguan se republikanët ishin në pesë pikë në epërsi.
Demokratët po shpresojnë të fitojnë zgjedhjet e nëntorit që kanë të bëjnë me të gjitha mandatet në Dhomën e Përfaqësuesve dhe një të tretën e ulëseve në Senatin amerikan. Tradicionalisht, zgjedhjet e ndërmjetme nuk favorizojnë partinë në pushtet.
Megjithatë, gjërat janë përmirësuar në favor të Bidenit së fundi, teksa inflacioni ka nisur që të ulet dhe në Kongres janë miratuar një sërë reformash. Ndërkaq, Trump është duke u përballur me një seri hetimesh kriminale.
Sondazhet po ashtu tregojnë se ka mbështetje në mesin e amerikanëve për të drejtat e abortit, gjë që mund të dëmtojë republikanët në zgjedhje./REL
Të tjera
-
Kurti viziton qendrën e kulturës “Sami Frashëri” në Ankara të Turqisë
Kryeministri i Republikës Kosovës, Albin Kurti dhe zëvendëskryeministrja, Emi...
-
Zhvillohet simpoziumi “Kina dhe bota: Bashkëpunimi, sfidat dhe përfitimet e përbashkëta
Në Pekin u zhvillua simpoziumi "Kina dhe bota: Bashkëpunimi, sfidat dhe përfi...
-
Kina nxjerr masa për të mbështetur rolin rehabilitues të mjekësisë tradicionale kineze
Kina ka publikuar masa për të mbështetur rolin e mjekësisë tradicionale kinez...
-
Aksident mes tre veturave në rrugën Prishtinë-Pejë, katër persona të lënduar
Një aksident i rëndë trafike ka ndodhur pasditen e sotme në rrugën Prishtinë-...
-
Qeveria e Kosovës lanson platformën për të drejtat e fëmijëve
Në takimin e Komitetit Ndërministror për të Drejtat e Fëmijëve të shtunën ësh...
-
Nga sot, Gjermania do t’i pranojë nga 50 mijë punëtorë të kualifikuar në vit nga Ballkani
Qeveria gjermane modernizoi vitin e kaluar ligjin e migracionit duke lehtësua...
-
Ministri i Jashtëm i Shqipërisë fton shqiptarët e Luginës së Preshevës për pjesëmarrje në zgjedhjet lokale
Ministri i Jashtëm i Shqipërisë, Igli Hasani, ka shkruar një ditë para votime...
-
Afro 2 milionë euro më shumë, Alban Hyseni i jep tenderin për renovimin e stadiumit të Gjilanit ofertuesit më të shtrenjtë
Komuna e Gjilanit në krye me Alban Hysenin me 31 maj i ka dhënë tenderin për ...
-
Deputetë të Parlamentit Evropian letër Serbisë për të drejtat e shqiptarëve, Kamberi ia jep meritat Kurtit për lobim
Deputeti shqiptar në Kuvendin e Serbisë, Shaip Kamberi, ka publikuar të premt...
-
Pikëlluese| Sami Lushtaku jep lajmin e hidhur, ka të bëjë me ish-luftëtarin e shquar të UÇK-së
Ish-ushtari i Ushtrisë Çlirimtare të Kosovës, Sami Lushtaku sot ka njoftuar p...
-
I dënuari kapet duke vjedhur në një market në Prishtinë, dërgohet në burg – zbulohet emri i tij
Të dyshuarit që përfshihen në veprimtari të kundërligjshme dhe të dënuarit ng...
-
Të shtëna me armë në Gjermani, raportohet për disa të plagosur
Disa persona kanë mbetur të plagosur nga të shtënat në periferi të Hagen, Gje...