Rozë

Martohet aktorja e njohur turke, dalin pamjet nga ceremonia madhështore

Autori: Gazeta inFokus 11:52 | 30 August 2022

Aktorja turke, e njohur më së shumti për rolin në “Erkenci Kuş”, Demet Özdemir dhe Oğuzhan Koç, të cilët janë bashkë prej kohësh, janë martuar. Dasma e çiftit, të cilët u fejuan në qershor, u zhvillua në një hotel në Sarıyer, Stamboll. Në dasmën e tyre morën pjesë emra të njohur nga bota e artit.

Ylli i telenovelave i tha “po” propozimit për martesë më 14 shkurt, ditën e Shën Valentinit. Dasma ishte planifikuar më 26 Gusht, por u shty për dy ditë për shkak të motit të keq. Özdemir zgjodhi dy fustane mbresëlënëse, i pari u dizajnua nga Muzeu i Veshjeve të Bukura Eda Güngör.

Ndërsa i dyti, që veshi pasi bënë betimet, u dizajnua nga Nihan Peker. Ndërkaq, këngëtari i ka dhuruar aktores një gjerdan ‘Bulgari Serpenti’, që besohet se ishte i vetmi në Turqi. Mësohet se çmimi i gjerdanit ishte 860 mijë lira turke.

-Advertisement-