Lajme

Kurti: Për një vit Kosova strehoi mbi 1,500 afganë

Autori: Gazeta inFokus 12:05 | 29 August 2022

Kryeministri i Kosovës, Albin Kurti ka kujtuar strehimin e afganëve në Kosovë, një vit më parë, të cilët u evakuuan pasi talibanët u rikthyen në pushtet në Afganistan.

Kurti përmes një postimi në Twitter ka shkruar se për një vit, Kosova ka strehuar 1,798 afganë.

“Në këtë ditë të një viti më parë, ne mirëpritëm grupin e parë të qytetarëve afganë që ishin larguar nga shtëpia e tyre në mes të kaosit dhe pasigurisë. Që atëherë, Kosova ka siguruar strehim për 1798 afganë. Ne jemi partnerë të aleatëve tanë dhe aleat të atyre që kanë nevojë për një dorë ndihmëse”, ka shkruar Kurti.

-Advertisement-

Më 16 gusht të vitit 2021, Kosova miratoi kërkesën e Shteteve të Bashkuara për të strehuar një numër afganësh që kishin punuar me forcat e huaja, pasi talibanët morën Kabulin në mes të gushtit.

Grupi i parë i shtetasve afganë arriti në Kosovë më 29 gusht të vitit 2021. Ata ishin transportuan nga Gjermania me një avion të forcave ajrore amerikane. /Telegrafi/