Jelek anti-plumb e të qara, çka ndodhi e u tha në seancën ndaj Dardan Krivaqës e Arbër Sejdiut
Autori: Gazeta inFokus 11:42 | 14 July 2022
Dardan Krivaqa dhe Arbër Sejdiu, kanë dalë sot para Gjykatës Themelore në Ferizaj, si të akuzuar për vrasjen dhe dhunimin e 18-vjeçares nga Ferizaj, Marigona Osmanit. Krivaqa u mbrojtë në heshtje, derisa Sejdiu u deklarua i pafajshëm.
Kjo është një përmbledhje të krejt asaj çka ndodhi në seancën e sotme ndaj tyre, ku ishin të pranishëm edhe prindërit e Marigonës.
Nën përcjellje të forcave të shtuara policore janë dërguar në Gjykatën Themelore të Ferizajt, Dardan Krivaqa dhe Arbër Sejdiu, të akuzuar për vrasjen dhe dhunimin e Marigona Osmanit.
Krivaqa u pa i veshur me jelek anti-plumb, derisa u dërgua në sallë nga pesë policë.
Kur u erdhi radha të deklarohen lidhur me fajësinë apo pafajësinë, njëri u mbrojtë në heshtje e tjetri u deklarua i pafajshëm.
“S’po thom që jam i pafajshëm, po s’di”, tha fillimisht Krivaqa, e pastaj u mbrojtë në heshtje.
Krivaqa u pa edhe duke qarë gjatë seancës.
E i akuzuari tjetër, Sejdiu u deklarua i pafajshëm për veprat që ngarkohet.
Seancën ndaj Krivaqës dhe Sejdiut e përcjellën deri në fund edhe prindërit e Marigona Osmanit.
Para se të fillonte gjykimi ndaj tyre, aktivistet e “Kolektivit Feminist” u mblodhën para objektit të Gjykatës Themelore në Ferizaj, ku zhvilluan një aksion.
Ato vendosën në objektin e gjykatës pjesë nga aktakuza ndaj Krivaqës dhe Sejdiut.
Në objekt është vendosur edhe një mbishkrim “Ne nuk harrojmë!”.
Ndryshe, Prokuroria Themelore në Ferizaj në fund të muajit të kaluar ka ngritur aktakuzë kundër dy të pandehurve të cilët gjenden në paraburgim nga muaji gusht 2021.
Sipas aktakuzës së prokurorisë, me datë 22 Gusht 2021, të pandehurit Dardan Krivaqa dhe Arbër Sejdiu, me dashje dhe në bashkëkryerje e privojnë nga jeta tani të ndjerën Marigona Osmani, me çka në bashkëkryerje kryejnë veprën penale “Vrasja e rëndë”.
Po ashtu, sipas prokurorisë, për të pandehurin Dardan Krivaqa, ekziston dyshimi i bazuar se i njëjti ka kryer veprën penale “Dhunimi”.
Ndërsa, i pandehuri Arbër Sejdiu, me dashje i ka ndihmuar të pandehurit Dardan Krivaqa, në kryerjen e veprës penale të dhunimit, me çka kreu veprën penale ndihmë në kryerjen e dhunimit.
Prokuroria Themelore në Ferizaj, me rastin e ngritjes së aktakuzës, i ka propozuar gjykatës që pas mbajtjes së shqyrtimit gjyqësor, administrimit të provave dhe vlerësimit të tyre, të pandehurit e lartcekur të shpallen fajtorë për veprat penale për të cilat akuzohen dhe të dënohen sipas ligjit.
Në fillim të këtij muaji u publikua edhe dosja e plotë e prokurorisë në rastin e Marigona Osmanit, ku përshkruheshin dëshmitë se si 18-vjeçarja ishte dhunuar e më pas kishte ndërruar jetë.
Nofullën e poshtme të thyer, thyerje të brinjëve, thyerje të unazave të qafës, këputje e palcës së qafës, lëndimet të syve, fytyrës dhe pothuajse në çdo pjesë të trupit, janë ato çfarë janë përshkruar në raportin e autopsisë.
Lëndimet e shumta apo siç thuhet në raport ‘poli trauma’, ka bërë që të vihet deri të vdekja e tanimë të ndjerës.
Të tjera
-
Tomë Gashi – Korenicës të VV-së: Mirë ish kanë edhe ti të mbulohesh pakëz
Deputeti i VV-së, Visar Korenica, sot në seancën plenare ka ngritur si shqetë...
-
Tri aksidente sonte vetëm në Prishtinë, nuk dihet a ka të lënduar
Tri aksidente u raportuan në Prishtinë mbrëmjen e sontme. Njëri prej tyre ...
-
Hamza: Do ta jap maksimumin që PDK të ketë rol kryesor për krijimin e Qeverisë – për koalicion preferojmë partitë në opozitë
Kandidati për kryeministër i PDK’së, Bedri Hamza i është përgjigjur pyetjes s...
-
Osmani flet nga New Yorku: Mora konfirmim të fuqishëm nga presidenti Biden se do të jetë përkrah Kosovës
Presidentja e Kosovës Vjosa Osmani ka folur për rëndësinë e koordinimit dhe b...
-
Kurti takohen me Nënsekretarin e UNDP-së, i tregon për projektet zhvillimore në veri
Kryeministri i vendit, Albin Kurti, është takuar me nënsekretarin e Përgjiths...
-
Parashikimi i motit për të premten
Për të premten parashikohet të mbajë mot me diell dhe shumë i ngrohtë. Era...
-
“Me 9 shkurt e sheh a kena keqkuptu a jo”, Tomë Gashi debaton me Zana Avdiun e Blerim Latifin për sjelljen e qeverisë me aleatët
Blerim Latifi, profesor universitar ka thënë se problem i Kosovës tashmë ësht...
-
“Shqetësuese, kryeministri nuk hyn në Shtëpinë e Bardhë, e ka të ndalume”, Latifi i drejtohet deputetit të Vetëvendosjes
“Ku na çon përplasja me Amerikën”, është tema që të enjten po diskutohet në “...
-
Hamza për deklaratën e Hovenier: Për keqardhje që hisedarët më të mëdhenj të Kosovës i kemi sjell në situatë të tillë
Kandidati për kryeministër nga radhët e PDK’së, Bedri Hamza ka komentuar dekl...
-
“Ka ambasadorë qe s’i njeh as lagjja e vetë edhe gjyshi jem ka thanë me i rujt trojet tona”
Avokati Tomë Gashi tha se gjuhën që e ka përdorë ish-ambasadorja Jacobson dhe...
-
Hamza: Për Kosovën të gjithë me u bo bashkë nuk jemi boll, Serbia e Vuçiqi janë problemi
Kandidati i PDK-së për kryeministër, Bedri Hamza, ka thënë se në tema naciona...
-
“Një letër që ka qenë kërcënuese”, Kusari-Lila flet për bisedën me Milan Radoiçiqin
Shefja e Grupit Parlamentar të Vetëvendosjes, Mimoza Kusari-Lila, është pyetu...