Të gjitha vendimet e marra në mbledhjen e sotme të Qeverisë
![](https://gazetainfokus.com/wp-content/uploads/2022/06/284289720_561532438673821_8883950374149696460_n1-852x460.jpg)
Autori: Gazeta inFokus
17:27 | 01 June 2022
Mbledhja e fundit e Qeverisë së Kosovës u përmbyll me 27 vendime të aprovuara, raporton GazetaBlic.
Kryeministri i Kosovës, Albin Kurti përmes një postimi në rrjetin social “Facebook” thotë se është themeluar Komisioni Ministror për memorialin për fëmijët e vrarë gjatë luftës 1998-1999 në Kosovë.
Ky vendim erdhi sot, ku festoi edhe dita ndërkombëtare e fëmijëve.
Në anën tjetër, është miratuar Koncept-dokumentinpër themelimin e Fondit Sovran të Republikës së Kosovës, janë ndarë 50.000 euro me qëllim të përkrahjes së kauzës politike të shqiptarëve të Preshevës, Medvegjës dhe Bujanocit.
Të gjitha vendimet e marra nga Qeveria:
Mbledhjen e 81-të të Qeverisë e përmbyllem me gjithsej 27 vendime të aprovuara
Sot, në Ditën Ndërkombëtare të Fëmijëve, në përkujtim të fëmijëve të vrarë, themeluam Komisionin Ministror për memorialin për fëmijët e vrarë gjatë luftës 1998-1999 në Kosovë.
Për ekonomi inovative e zhvillimore, ashtu siç u zotuam, miratuam Koncept-dokumentin për themelimin e Fondit Sovran të Republikës së Kosovës. Përmes këtij fondi, do të mbrohet e zhvillohet pasuria jonë e përbashkët.
Me qëllim të përkrahjes së kauzës politike të shqiptarëve të Preshevës, Medvegjës dhe Bujanocit, ndamë 50.000 euro në mbështetje të aktiviteteve lobuese të përfaqësuesve shqiptar atje.
U rialokuan 1,76 milionë euro për projekte kapitale në komuna, si dhe mbi 886 mijë euro për intervenime emergjente në mbrojtje dhe ruajte të trashëgimisë kulturore.
U themelua mekanizmi për punësimin e komuniteteve Rom, Ashkali dhe Egjiptian, si masë e përkohshme afirmative.
Emëruam dy Borde të rregullta të Drejtorëve: KRU “Prishtina” Sh. A. dhe KRU “Mitrovica” Sh. A. Emëruam edhe Bordin e Përkohshëm të KRU “Drini i Bardhë” Sh. A.. Gjithashtu emëruam, Zëvendësdrejtorin për Shërbime Administrative Financiare në Agjencinë e Shërbimit të Navigacionit Ajror.
U aprovuan dy vendime për procesin e shpronësimit: për ndërtimin e “Rrugës Shtetërore’’, në pikë kalimin kufitar të Hanit të Elezit, dhe për realizimin e Projektit “Ndërtimi i Objektit të Qendrës për Pajisje me Dokumente”, si dhe Qendrës për Regjistrim të Automjeteve në Malishevë.
Miratuam tre nisma për Anëtarësim të Institutit të Kosovës për Administratë Publik në organizata ndërkombëtare, me qëllim të ngritjes së kapaciteteve të burimeve njerëzore në institucionet tona. Po ashtu, miratuam edhe nismën për aplikim të anëtarësimit të Kosovës si anëtare vëzhguese, në Rrjetin e Administratës Publike të Bashkimit Evropian.
Iniciuam nismën për lidhjen e Marrëveshjes për Statusin e Forcave (SOFA) ndërmjet Kosovës dhe Kroacisë, që thellon bashkëpunimin në fushën e mbrojtjes mes dy vendeve.
Si dhe, mbështetem realizimin e aktiviteteve të Manifesta 14 Prishtina 2022, në vlerë prej 871.881 euro.
![](https://gazetainfokus.com/wp-content/uploads/2024/04/viber_image_2024-04-17_11-26-46-720.jpg)
Të tjera
-
Osmani: Uroj që festa e Kurban Bajramit të sjellë gëzim, paqe dhe begati në familjet tuaja
Presidentja Vjosa Osmani ka uruar festën e Kurban për gjithë besimtarët mysli...
-
Mesazhi i Tërnavës për Kurban Bajram: Është detyrë e jona që ta duam, ruajmë dhe ta mbrojmë atdheun tonë
Mesazhin e Kurban Bajramit e mbajti myftiu i Kosovës, Naim Tërnava, i cili th...
-
Oficerë të FSK-së diplomojnë në kolegjin e ushtrisë amerikane
Oficerët e Forcës së Sigurisë së Kosovës, majorët Alban Bunjaku, Agron Murati...
-
Moti sot me diell dhe vranësira të shpërndara
Të dielën parashihet të mbajë mot kryesisht me diell dhe vranësira të shpërnd...
-
Myslimanët kremtojnë Kurban Bajramin, festën e besimit dhe sakrificës
Besimtarët e fesë islame kremtojnë sot Kurban Bajramin, i cili sipas traditës...
-
Presidentja Osmani në Zvicër, takohet me kancelarin Scholz dhe liderë të tjerë evropianë
Presidentja e Kosovës, Vjosa Osmani në nisje të Samitit të Paqes për Ukrainë...
-
Osmani takohet me Zelenskyn në Zvicër: Jemi për të dhënë mbështetje për lirinë e Ukrainës
Presidentja e Kosovës, Vjosa Osmani është takuar sot me presidenten zvicerane...
-
Re lu*fte i afrohen Suedisë? Avioni ushtarak rus shkel hapësirën ajrore
Frika për një shtrirje të luftës së Ukrainës në Europë u ripërtëri me inciden...
-
Bankat thyejnë rekord/ 58 milionë € fitim të pastër për 4 muaj
Bankat komerciale në Kosovë sivjet kanë thyer rekord me fitimet e realizuara,...
-
Mbi dy milionë pelegrinë në Mekë për të kryer haxhin
Më shumë se dy milionë pelegrinë të huaj kanë mbërritur në qytetin e shenjtë ...
-
Shënohet 81-vjetori i lindjes së Ukshin Hotit, Kurti: Detyra e tij ishte t’ia thotë të vërtetën popullit
Me rastin e shënimit të ditëlindjes së 81-të të profesorit dhe mendimtarit po...
-
Beogradi s’do të ofrojë hapësirë për festivalin “Mirëdita, dobar dan”, thotë kryetari i komunës
Ushtruesi i detyrës së kryetarit të komunës së Beogradit, Aleksandar Shapiq, ...