Ministrat e BE-së diskutojnë për Ballkanin Perëndimor
![](https://gazetainfokus.com/wp-content/uploads/2022/05/c54ba441-869b-44ec-92f8-8c71f77b19d7_w1597_n_r1_st_s-852x460.webp)
Autori: Gazeta inFokus
10:52 | 16 May 2022
Ministrat e Jashtëm të Bashkimit Evropian do të diskutojnë më 16 maj – përveç agresionit rus në Ukrainë – edhe për raportet e bllokut evropian me Ballkanin Perëndimor.
Më vonë gjatë ditës së hënë, ata do të kenë edhe një takim të përbashkët me shefat e diplomacisë së gjashtë vendeve të këtij rajoni.
“Diskutimet për Ballkanin Perëndimor, në takimin e 27 ministrave, sikur edhe ato kur të takohen së bashku ministrat e BE-së me ata të vendeve të rajonit, do të jetë përballja e përbashkët me sfidat dhe pasojat që ka krijuar agresioni i Rusisë ndaj Ukrainës”.
Në një dokument të përgatitur për diskutimet e së hënës thuhet se agresioni i Rusisë ka krijuar ndryshime domethënëse në rreshtimet gjeo-politike.
“Më shumë se kurrë ka pritje që Ballkani Perëndimor t’iu përkushtohet vlerave evropiane si vende anëtare në të ardhmen. BE duhet t’i rreshtojë partnerët e saj rreth mbrojtjes së vlerave të përbashkëta dhe normave kyçe ndërkombëtare, dhe dënimin e agresionit rus në Ukrainë si shkelje të rëndë e së drejtës ndërkombëtare dhe rrezik për paqen dhe sigurinë globale”, është thënë në këtë dokument jozyrtar.
Sipas burimeve diplomatike, trysnia kryesore do të jetë ndaj Serbisë, si vendi i vetëm i Ballkanit Perëndimor që nuk ka mbështetur sanksionet e BE-së ndaj Rusisë.
Në Bruksel, zyrtarë të BE-së vazhdojnë të bëjnë përpjekje për ta relativizuar këtë qëndrim të Serbisë duke e potencuar më shumë faktin se Serbia ka votuar në Asamblenë e Përgjithshme të OKB-së për dënimin e agresionit të Rusisë dhe ka votuar për përjashtimin e saj nga Komisioni për të Drejtat e Njeriut.
Por shumë vende anëtare të BE-së pohojnë se kjo gjë, ndonëse është e mirëpritur, nuk mjafton dhe Serbia duhet të mbështesë edhe sanksionet, e sidomos të mos lejojë që përmes Serbisë ato të anashkalohen.
Në BE thonë se mirëpresin faktin se Kosova në tërësi ka mbështetur qëndrimet e Perëndimit për luftën në Ukrainë, edhe pse formalisht nga ajo nuk kërkohet një gjë e tillë.
Burimet e BE-së thonë se blloku evropian duhet të ketë porosi të qarta për Ballkanin Perëndimor.
Në këtë drejtim, pohojnë burimet, liberalizimi i vizave për Kosovën duhet të ndodhë sa më shpejt.
Në takimin e së hënës pritet të diskutohet edhe për dialogun mes Kosovës dhe Serbisë.
Dialogu për normalizimin e marrëdhënieve mes Kosovës dhe Serbisë, me ndërmjetësim të Bashkimit Evropian, ka nisur në vitin 2011.
Palët kanë arritur dhjetëra marrëveshje, por shumica e tyre nuk kanë gjetur zbatim në terren.
Më 14 maj, ministrat e Jashtëm të grupit të shtatë shteteve më të industrializuara në botë (G7) u kanë bërë thirrje dy vendeve që të angazhohen në mënyrë konstruktive në dialog dhe të arrijnë marrëveshje për normalizimin e raporteve./rel
![](https://gazetainfokus.com/wp-content/uploads/2024/01/31-1.png)
Të tjera
-
Një familje shqiptare akuzohet se grabiti 33 shtëpi në Angli, mes tyre edhe atë të futbollistit të Chelseas
Një familje shqiptare hajdutësh përdori shkallë për të hyrë në shtëpinë e fut...
-
Gërvalla për KiE: Kosova duhet të tejmbush kushtet për anëtarësim që t’i ketë shanset e njejta me vendet tjera
Shefja e diplomacisë kosovare, Donika Gërvalla-Schwarz, po qëndron në Kroaci ...
-
Komuna e Dragashit ka disa njoftime të rëndësishme për qytetarët
Komuna e Dragashit ka formuar Shtabin Komunal të Emergjencave si dhe Komision...
-
Zëvendës-ministri Zogiani: Subvencionimin nga polica kufitare nuk e përfitojnë autobusët, kamionët dhe motoçikletat
Zëvendësministri i Ambientit, Planifikimit Hapësinor dhe Infrastrukturës, Avn...
-
Mërgimtarët, të gatshëm të paguajnë gjobën e UEFA-s për flamurin e UÇK-së në “Euro 2024”
Gjatë fazës së grupeve të Kampionatit Evropian, tifozët e Natit bënë vetëm ti...
-
Parlamenti i Malit të Zi miraton rezolutën për Jasenovcin, Kroacia reagon ashpër
Parlamenti i Malit të Zi miratoi mesnatën e së premtes, me votat e 41 deputet...
-
Qeveria e Kosovës tregon se çka nuk përfshihet në subvencionimin e policës kufitare për mërgimtarët
Ministri i Finanacave Hekuran Murati ka njoftuar sot për atë se çka mbulon Qe...
-
Daçiq konfirmon plagosjen e pjesëtarit të xhandarmërisë serbe, e quan akt terrorist
Ministri i Punëve të Brendshme të Serbisë, Ivica Daçiq, ka deklaruar sot se n...
-
KFOR-i: Vazhdojmë monitorimet në Urën e Ibrit
Misioni i NATO-s në Kosovë, KFOR, ka bërë të ditur se janë duke vazhduar patr...
-
Shpërthen një granatë dore në Zubin Potok, dëmtohet një lokal dhe dy makina
Një granatë dore dyshohet se ka shpërthyer në Zubin Potok, ku si pasojë janë ...
-
Serbia nxjerr tanket dhe armët kineze, Vuçeviç: Për Vidovdanin duhej të mblidheshim në mes të Kosovës
Me ceremoni shtetërore, mbledhje të posaçme qeverie, homazhe dhe prezantim të...
-
Ish-guvernatori i BQK-së, Mehmeti: Rezultatet e BQK-së janë arritur falë menaxhimit të sukseshëm të viteve të kaluara
Dje guvernatori i BQK-së, Ahmet Ismaili ia ka dorëzuar kryetarit të Kuvendit ...