Kurti kthehet energjik nga SHBA, merr 20 vendime por edhe disa kritika
Autori: Gazeta inFokus 23:05 | 30 April 2022
Kryeministri Albin Kurti, është kthyer nga Shtetet e Bashkuara të Amerikës, ku ishte për të marrë pjesë në funeralin e ish Sekretares së Shtetit amerikan, Madeleine Albright.
Me të mbërritur në Kosovë, Kurti ditën e ka nisur duke bërë homazhe dhe duke vendosur lule të Kompleksi Memorial i dëshmorëve në Marinë të Skenderajt, në nderim të 23-vjetorit të rënies së heroit të kombit, Ilaz Kodra.
Pas homazheve, Kurti u kritikua se jo më shumë se dy muaj më herët, nga menaxhmenti i vendosur nga qeveria e tij në PTK, është shkarkuar bashkëshortja e Ilaz Kodrës. Në dritën e publikut, këtë informacion e solli deputetja e PDK-së, Blerta Deliu-Kodra.
“Për nderimet e sotme, po ashtu, e falënderoj edhe kryeministrin Kurti. Megjithatë, e ndjej për obligim ta them edhe publikisht, që menaxhmenti i ri i Postës së Kosovës, i zgjedhur aty nga Qeveria Kurti, si vazhdimësi e largimeve politike nga puna në këtë institucion, para dy muajsh e ka larguar nga puna edhe bashkëshorten e Ilazit, Kimeten. Ajo tani është duke i kërkuar të drejtat e saj në rrugën ligjore”, shkroi Deliu-Kodra.
Më pas, sot gjatë ditës, Kurti priti në takim një grup prej 50 ndërmarrësish nga Gjermania. Ai tha se ndërmarrësit gjermanë i njoftoi për mundësitë e mira të krijuara në Kosovë për ata që duan të investojnë dhe u tregoi se sa shumë e sa mirë flasin gjermanisht kosovarët.
“Afaristët gjermanë i sigurova se indikatorët e mirë ekonomikë janë siguri se investimi i tyre dhe biznesi i tyre do të kënë sukses të qëndrueshëm. Krahasuar me vitin 2020, kemi pasur rritje të investimeve të huaja direkte prej 22%. E rritja e investimeve kapitale në vitin 2021, krahasuar me vitin para atij, pra 2020, ishte 10.3%”, shkroi Kurti në një njoftim.
Në po këtë ditë, Kurti gjithashtu mblodhi Qeverinë e Kosovës për mbledhjen shtatëdhjetë e tretë, ku u morën plot 20 vendime, disa prej të cilëve zgjuan reagime, veçanërisht ai për kthimin e pronave në disa komuna nën menaxhimin e AKP-së.
“Shfuqizuam vendimet e qeverisë paraprake nga viti 2018 duke vendosur kështu ligjshmëri: bëmë tërheqjen e bartjes në pronësi komunale të aseteve të AKP-së për komunat Gjilan, Ferizaj, Suharekë, Skenderaj, Deçan, Junik dhe Han i Elezit”, shkroi Kurti në një njoftim.
Një tjetër vendim qeveritar që u mor sot, ishte ai për aprovimin e nismës për anëtarësimin e Kosovës në “Byronë Ndërkombëtare të Ekspozitave”, përkatësisht aderimin në Konventën e Parisit.
Megjithatë, del se Republika e Kosovës është anëtarësuar në këtë organizatë, që nga viti 2015. Nënkryetarja e PDK-së, Vlora Çitaku, përmes një postimi në Facebook, tha se Kosova është anëtare e Byrosë Ndërkombëtare të Ekspozitave që nga dhjetori i vitit 2015.
“Kosova poashtu ka aderuar në konventat relevante të EXPO. Kosova ka marrë pjesë në EXPO Antalya në vitin 2016, e së fundi edhe në EXPO Dubai”, ka shkruar ajo.
Krejt në fund, siç ka bërë me dije Kurti, e ka vizituar edhe Muzeun e Fëmijërisë së Luftës, që së fundmi është vendosur edhe brenda Galerisë Kombëtare të Kosovës.
Në librin e kujtimeve të vizitorëve, Kurti shkroi: “Fëmijëria nuk kalon, aty formohemi e informohemi për gjithë jetën në vijim. Por, një fëmijëri në luftë, me gjësendet që të shpëtojnë për dallim nga shoqet e shokët që nuk kanë shpëtuar, sjell jo vetëm kujtime të pashlyeshme për këta fëmijë të luftës, por edhe kujtesë të pazëvendësueshme për një popull të tërë, për tërë shoqërinë.” /GazetaExpress/
Të tjera
-
Qeveria e Kosovës lanson platformën për të drejtat e fëmijëve
Në takimin e Komitetit Ndërministror për të Drejtat e Fëmijëve të shtunën ësh...
-
Nga sot, Gjermania do t’i pranojë nga 50 mijë punëtorë të kualifikuar në vit nga Ballkani
Qeveria gjermane modernizoi vitin e kaluar ligjin e migracionit duke lehtësua...
-
Ministri i Jashtëm i Shqipërisë fton shqiptarët e Luginës së Preshevës për pjesëmarrje në zgjedhjet lokale
Ministri i Jashtëm i Shqipërisë, Igli Hasani, ka shkruar një ditë para votime...
-
Alban Hyseni i jep tenderin për renovimin e stadiumit të Gjilanit ofertuesit më të shtrenjtë
Komuna e Gjilanit në krye me Alban Hysenin me 31 maj i ka dhënë tenderin pë...
-
Deputetë të Parlamentit Evropian letër Serbisë për të drejtat e shqiptarëve, Kamberi ia jep meritat Kurtit për lobim
Deputeti shqiptar në Kuvendin e Serbisë, Shaip Kamberi, ka publikuar të premt...
-
Pikëlluese| Sami Lushtaku jep lajmin e hidhur, ka të bëjë me ish-luftëtarin e shquar të UÇK-së
Ish-ushtari i Ushtrisë Çlirimtare të Kosovës, Sami Lushtaku sot ka njoftuar p...
-
I dënuari kapet duke vjedhur në një market në Prishtinë, dërgohet në burg – zbulohet emri i tij
Të dyshuarit që përfshihen në veprimtari të kundërligjshme dhe të dënuarit ng...
-
Të shtëna me armë në Gjermani, raportohet për disa të plagosur
Disa persona kanë mbetur të plagosur nga të shtënat në periferi të Hagen, Gje...
-
Hamiti: LDK i fiton zgjedhjet e ardhshme
Anëtari i Kryesisë së LDK-së, Muhamet Hamiti, është shprehur optimist për rez...
-
Kritikat e Kurtit ndaj PSRK-së “ndërhyrje në drejtësi dhe shpikje për larguar vëmendjen nga dështimet”
Shoqëria civile dhe partitë opozitare po e konsiderojnë ndërhyrje në punën e ...
-
Dy veturave me targa serbe në Mitrovicë të Veriut iu vihet flaka
Zëvëndësdrejtori i Policisë së Kosovës për rajonin e Veriut, Veton Elshani, k...
-
Bajrami: Vazhdon korrupsioni, vetëm dje KRPP ka publikuar 4 kontrata njëburimore në shumë 683 mijë euro
Deputetja nga radhët e Lidhjes Demokratike të Kosovës, Hykmete Bajrami, ka th...