Krasniqi përfundon dëshminë në Hagë: Nuk ka pasur njerëz të ndaluar në Zllash
Autori: Gazeta inFokus 13:16 | 22 April 2022
Ka përfunduar dëshminë e tij para trupit gjykues në Hagë, Selatin Krasniqi që është dëshmitari i 12-të i mbrojtjes së Salih Mustafës. Ai ka deklaruar se në objektet e familjes së tij në Zllash, të cilat i ishin dhënë në shfrytëzim Ushtrisë Çlirimtare të Kosovës, nuk ka pasur persona të ndaluar siç thuhet në aktakuzën e prokurorisë. Ndër të tjera, dëshmitari ka thënë se gjatë periudhës së luftës nuk ka pasur dallime partiake mes pjesëtarëve të UÇK-së duke shtuar se të gjithë vepronin për çlirimin e Kosovës.
Dëshmitari, i cili është pjesë e familjes Krasniqi nga Zllashi, pronat e së cilës gjatë periudhës së luftës iu ishin dhënë UÇK-së, ka deklaruar se askush nuk mund të thotë se në ato objekte janë maltretuar apo mbajtur njerëz.
“Nuk ka pasur njerëz të ndaluar, as nuk kam parë, as nuk ka pasur dhe nuk mund të thotë askush që ka pasur njerëz të ndaluar aty”, ka thënë Krasniqi.
Ai ka thënë se gjatë periudhës së luftës të gjithë pjesëtarët e UÇK-së e kanë pasur një qëllim të vetëm, çlirimin e Kosovës dhe sipas tij nuk ka pasur dallime partiake.
“Gjithë familja kemi qenë në Lidhjen Demokratike të Kosovës, gjithë fshati Zllash, krejt Gollaku, themeluesi i Lidhjes Demokratike të Kosovës. Shefki Gashi, që jemi krenarë që e kemi është i fshatit Mramor, ka qenë edhe ai pjesë e luftës, Ismet Beqirin e kam në lagje, edhe ai ka qenë një ndër themeluesit e LDK-së për atë pjesë, e ka pasur shumë të tjerë të LDK-së edhe aty dhe nuk ka pasur kurrfarë bindje, qëllimi ka qenë i njëjtë, me çliru Kosovën. Nuk e di kush është duke i shpik këto gjëra, se i vetmi çlirim ka qenë çlirimi i Kosovës, nuk ka pasur bindje politike, me cilën parti je, me kënd je, çka je. Nëse i keni mundësitë me i thirrë edhe ata dëshmitarë këtu, Shefkinë, Ismet Beqirin e shumë të tjerë, Alushin, të cilët kanë sjellë ndihma në shtëpinë tonë”, ka thënë dëshmitari.
Gjatë kundër-pyetjeve të avokatit të mbrojtjes, Krasniqi është pyetur edhe rreth takimit që ka zhvilluar në Zllash me përfaqësuesit e Zyrës së Prokurorit të Specializuar.
“Ka kërkuar me dalë në vendin ku po pretendojnë ata, kanë qenë tri makina, nuk e di sa vetë… Kur kam biseduar me prokurorin vetëm e kam pyetur qysh janë Salih Mustafa e këta tjerët që janë, Hashimi e të tjerët, vetëm për ata e kam pyetur, më shumë nuk kemi diskutuar. Nuk kam qëndru me këta hiç, kam qëndru te hambari se ka qenë duke rënë shi, këta kanë qëndru te pema që duket në fotografi, kanë fotografuar. Tjetër nuk kemi fol, kanë qenë shumë veta këta, kemi vazhduar të shkolla e Zllashit, edhe aty i kanë bërë disa fotografi”, ka thënë Krasniqi.
Ndërsa gjatë ditës së parë të dëshmisë së tij në Hagë, Selatin Krasniqi ka thënë se ishte pjesëtar i Guerilës BIA.
Ai ka deklaruar se familja e tij i kishte dhënë në shfrytëzim UÇK-së objektet e shtëpisë së tyre në Zllash dhe ka theksuar se aty asnjëherë nuk ka pasur një kamp ndalimi.
Para trupit gjykues në Dhomat e Specializuara të Kosovës, Krasniqi ka thënë se nuk e di se ku i ka marrë prokuroria informatat por sipas tij në objektet e familjes së tij asnjëherë nuk janë ndaluar apo meltretuar njerëz.
Me këtë ka përfunduar dëshmia e Krasniqit, i cili është dëshmitari i 12-të ndërsa para trupit gjykues sot do të dëgjohet dëshmitari i radhës i mbrojtjes së Salih Mustafës.
Mustafa është arrestuar më 24 shtator të vitit 2020 me pretendimin për krime lufte.
Sipas Dhomave të Specializuara “Aktakuza e konfirmuar përcakton se afërsisht midis 1 prillit 1999 dhe 19 prillit 1999, në një kompleks ndalimi në Zllash, Kosovë, u kryen krimet e ndalimit arbitrar, trajtimit mizor dhe të torturës kundër të paktën gjashtë personave”. Gjithashtu, në aktakuzë thuhet se “në një datë midis 19 prillit 1999, ose rreth kësaj date, dhe rreth fundit të prillit 1999, në atë vendndodhje u vra një i ndaluar”.
Salih Mustafa po qëndron në paraburgim në Hagë ndërsa në paraqitjen e tij para trupit gjykues ai është deklaruar i pafajshëm. /KP/
Të tjera
-
Krasniqi: Kjo festë na kujton rëndësinë e kujdesit për njëri-tjetrin
Kryetari i Partisë Demokratike të Kosovës, Memli Krasniqi, ka uruar besimtarë...
-
Osmani nga Samiti i Paqes: Kosovës iu kujtua vuajtja e tmerrshme që sjell lufta, por Ukraina do të ia dal
Presidentja e Kosovës, Vjosa Osmani ishte pjesëmarrëse e Samitit të Paqes për...
-
Samiti i paqes për Ukrainën, Zelensky: Do t’i paraqesim Moskës propozimin për përfundimin e luftës
Presidenti ukrainas Volodymyr Zelensky tha të shtunën se do t’i paraqiste Mos...
-
Majko flet për sigurinë në rajon: Nëse prekët Kosova, do të prekët edhe Shqipëria
Ish-kryeministri i Republikës së Shqipërisë, Pandeli Majko ka deklaruar se an...
-
Policia shqipton mbi 1,500 gjoba në trafik brenda 24 orëve
Policia e Kosovës ka njoftuar se gjatë 24 orëve të fundit ka shqiptuar 1506 g...
-
Bogujevci në Bashkësinë Islame, uron qytetarët për festën e Kurban Bajramit
Sot, me rastin e Festës së Kurban Bajramit, nënkryetarja e Kuvendit të Kosovë...
-
Ndeshja Poloni-Holandë në Hamburg, policia qëllon një burrë që dyshohet se kërcënoi me sëpatë
Policia gjermane tha të dielën se qëlluan dhe plagosën një burrë që po kërcën...
-
Kurti ndan foto albumin nga ndeshja Shqipëri – Itali
Kryeministri i Kosovës, Albin Kurti ka ndjekur lojën mes Shqipërisë dhe Itali...
-
Kosova në pritje të raportit për masat nga BE-ja, optimizëm për heqjen e tyre
Përfaqësuesi i lartë për politikë të jashtme të Bashkimit Evropian, Josep Bor...
-
Krasniqi uron Kurban Bajramin: Kjo festë na kujton rëndësinë e faljes, solidaritetit e kujdesit për njëri-tjetrin
Kryetari i Partisë Demokratike të Kosovës ka uruar besimtarët myslimanë në fe...
-
Begaj ia kërkon presidentes moldave njohjen e Kosovës dhe mbështetjen për anëtarësimin e saj në organizata ndërkombëtare
Presidenti i Shqipërisë, Bajram Begaj është takuar me presidenten e Moldavisë...
-
Ish- kryediplomati i reagon Presidentit malazez që nuk tregoi për takimin me Vjosa Osmanin
Ish-Kryediplomati malazez Miodrag Vlahovic i ka reaguar Presidentit të vendit...