Lajme

Arrestohet edhe një person për vrasjen në Zllakuqan të Klinës

Autori: Gazeta inFokus 10:03 | 20 April 2022

Një person është arrestuar të martën në Klinë, lidhur më vrasje që ka ndodhur më datë 15 prill në fshatin Zllakuqan, shkruan Gazeta Infokus.

Policia ka njoftuar se nga i dyshuari është sekuestruar një pushkë automatike me 9 fishekë dhe 9 gëzhoja, e cila dyshohet se është përdorur në rastin e vrasjes.

“Lidhur me rastin me datë 19.04.2022 është arrestuar i dyshuari mashkull kosovar, nga i cili është sekuestruar një pushkë automatike me 9 fishekë dhe 9 gëzhoja, e cila armë dyshohet se ishte përdorë në rast”, thuhet në raportin e policisë

-Advertisement-

Lidhur me rastin është konsultuar prokurori dhe me vendim të tij pas intervistimi i arrestuari është liruar në procedurë të rregullt.

“Me urdhër të prokurorit i dyshuari pas intervistimit është liruar në procedurë të rregullt”, thuhet në raport.

Rasti ka ndodhur të premten e kaluar ku viktima fillimisht ishte plagosur dhe pastaj ishte dërguar në Spitalin Rajonal të Pejës e ku mjeku kujdestar e ka konfirmuar vdekjen e viktimës

Lidhur me këtë rast policia pati arrestuar edhe tre persona tjerë./Gazeta Infokus/

Subscribe në YouTube: GAZETA INFOKUSI