Lajme

“Është një pasqyrim i luftës në Kosovë”, babë e bir në ndihmë të shqiptarëve dhe refugjatëve ukrainas

Autori: Gazeta inFokus 09:35 | 11 April 2022

Gani dhe Arben Zeka, babë e bir po bëjnë çfarë është e mundur për t’ju ardhur në ndihmë ukrainasve dhe shqitarëve që jetojnë në Ukrainë.

Ata jetojnë në Poloni, ku ushtrojnë dhe profesionin e mjekut dhe janë solidarizuar jo vetëm me trajtim mjekësor por dhe me ndihma ekonomike.

Ata dhanë një intervistë për emisionin “Abc-ja e mëngjesit”, ku treguan se nisën të ndihmonin njerëzit që pa nisur lufta. Ganiu tha se ajo që po shikojmë në Ukrainë është një pasqyrim i asaj që kanë përjetuar shqiptarët e Kosovës nga serbët.

-Advertisement-

“Është një pasqyrim i plotë i gjendjes në të cilën ka kaluar dhe populli ynë në Kosovë. Por një dallim i madh është që ukrainasit e shohin dritën të ndezur në Poloni. Mburrem që arrita të jem i angazhuar. Ne nëse nuk do të kishim popullin shqiptar përreth do të kishim pësuar disfatë.”, u shpreh Ganiu.

Ndërsa Arbeni tha: “Gjëja që më ka prekur është se këta njerëz flasin shumë pak, duket sikur i kanë humbur shpresat komplet. E shikoj që avash avash se si iu kthehet shpresa dhe më vjen shumë keq në fillim kur shikoj që janë shumë të dëshpëruar. Dhe kur ikin nga lufta, i kanë shpresat e humbura.

Por nga ana tjetër, jemi në gjendje që t’ju kthejmë shpresën dhe besojnë se do të jetë shumë më mirë.”, tha Arbeni.

Subscribe në YouTube: GAZETA INFOKUSI
Rakinica e Skenderajt bëhet me rrjet të ri elektrik
-Advertisement-

Të tjera

Fokusi

lajme