Lajme

Lajçak lajmërohet nga Parisi, diskuton për sigurinë në Ballkan me zyrtarët atje

Autori: Gazeta inFokus 11:57 | 31 March 2022

Sekretari i Shtetit francez për Çështjet e Europës, Clement Beaune, ka pritur në takim Përfaqësuesin Special të BE-së për dialogun Kosovë-Serbi, Miroslav Lajçak.

Temë bisede e tyre ishte situata në Ballkan, e cila u cilësua si kyçe për sigurinë e Europës.

“Sot në mëngjes, pata një takim me Përfaqësuesin Special të BE-së, Miroslav Lajçak, për të folur për situatën në Ballkan, një çështje kyçe për sigurinë dhe stabilitetin e Europës sonë”, ka shkruar Beaune në Twitter.

-Advertisement-

Për çështjet rajonale të Ballkanit, për të cilat po ashtu është i ngarkuar, Lajçak së fundi ka qëndruar edhe në Gjermani. Atje ai ka folur për nevojën e liberalizimit të vizave për Kosovën dhe për hapjen e negociatave për Shqipërinë dhe Maqedoninë e Veriut.

#PFUE2022 | Ce matin, réunion avec le Représentant spécial de l’🇪🇺 @MiroslavLajcak pour faire le point sur la situation dans les #Balkans, un enjeu clé pour la sécurité et la stabilité de notre Europe. pic.twitter.com/cfUG6X1fcl

— Clement Beaune (@CBeaune) March 31, 2022