Telekomi kërkon pensionim të parakohshëm me kompensim dhe 24 paga neto për punëtoret e tjerë nëse e lënë punën vullnetarisht
![](https://gazetainfokus.com/wp-content/uploads/2022/03/postaaa-768x460.jpg)
Autori: Gazeta inFokus
10:07 | 29 March 2022
Menaxhmenti i ri në ndërmarrjen publike të ‘Telekomit të Kosovës’ ka bërë një ofertë të pazakontë për punonjësit e saj, duke iu kërkuar që ta lënë punën vullnetarisht, për shkak të siç thonë ata, ristrukturimit apo riorganizimit të strukturës organizative të Telekomit që nga fillimi.
Kërkesa e Telekomit për punëtorët është titulluar si “marrëveshje vullnetare për ndërprerjen e kontratës së punës me benefitet e përcaktuara për punëtorin/en”, përcjell Buletini Ekonomik.
Ata këtë veprim e quajnë reformim të tërësishëm dhe substancial brenda Telekomit, dhe sipas tyre, struktura e re duhet t’u prijë me profesionalizëm proceseve të kompanisë në të ardhmen, të cilat i cilësojnë se nuk do të jenë të thjeshta dhe të lehta.
Në vazhdën e reformave të paralajmëruara nga Bordi i ri në Telekom, është kërkuar nga punëtorët aktual -lënia e punës vullnetarisht, duke ua ofruar mundësinë e kompensimit prej 60 për qind të pagës aktuale bruto deri në kohën e pensionimit të tyre disave që janë në prag të pensionimit, si dhe paga aktuale bruto për 24 muaj për punëtorët e tjerë.
Pra, Bordi i ri i Telekomit u ka ofruar punëtorëve aktual mundësinë e pensionimit të parakohshëm. Ky pensionim i parakohshëm përfshin punëtorët që sipas rregullave për pensionim, do të dalin në pension në vitet kalendarike 2023, 2024, 2025 dhe ata të vitit 2026.
Më detajisht, oferta e Telekomit për punëtorët e saj është kjo: Pakoja dalëse e përfituar do të jetë e nivelit 60% të pagës aktuale bruto për periudhën e mbetur deri në pensionim, në bazë të së cilës do të kalkulohen dhe paguhen Trusti si dhe Tatimi në pagë. Një shembull i kalkulimit mund të jetë si në vazhdim: p.sh me bazë pagën neto prej 1000 eurove,ku sipas Telekomit, aktualisht për të marrë një pagë neto prej 1000 eurove, paga bruto duhet të jetë 1,143.62 euro. Në këtë rast, pakoja do të llogaritet në 60% të pagës bruto aktuale, nga e cila paga bruto sipas pakos, del në vlerë prej 686.17 eurove.
Kurse, për punonjësit e tjerë nga Telekomi është menduar një pako tjetër dalëse me kompensime, ku atyre që pranojnë vullnetarisht ta lënë punën, për shkak të pamundësisë së kyçjes së tyre në strukturën e re organizative të Telekomit, do t’iu ofrohen pagat e njëjta aktuale bruto që marrin për 24 muaj pas vendimit për lënien e punës.
Nga Telekomi thonë se edhe në këtë rast, nga paga bruto do të zbritet Trusti dhe Tatimi në pagë, të cilat Telekomi do t’i paguajë në emër të punëtorit, ndërsa punëtorit do t’i paguhen 24 paga neto përnjëherë.
Punëtorët e interesuar për këto pako vullnetare, sipas Telekomit, mund të plotësojnë dhe nënshkruajnë formularin e aplikimit, që i është bashkangjitur emailit të dërguar të Sindikata e punëtorëve, dhe të njëjtin ta dorëzojnë në Zyrën e personelit, drejtoria e Burimeve Njerëzore, kati i 6-të, nr. 603, HQ, Prishtinë. Ata paralajmërojnë se kjo ofertë bëhet vetëm gjatë intervalit kohor 25 Mars 2022 deri më 25 Prill 2022, që përkon me periudhën para finalizimit të procesit të ristrukturimit, kurse pas kësaj date, në kompani do të rianalizohen opsionet e tjera që nga Telekomi thonë se “gjithsesi që nuk do të jenë kaq të volitshme”.
Kjo ofertë për punonjësit e tjerë është bërë për shkak se sipas menaxhmentit të ri të Telekomit, detyrat dhe përgjegjësitë në fushëveprimtaritë e kërkuara dhe të synuara të kompanisë, mund të mos përkojnë me profilin e tyre profesional, apo edhe ngase disa prej pozitave të punës të cilat janë të duplifikuara edhe mund të shuhen. Prandaj, ata thonë se nën kushte të tilla, kompania është e detyruar që t’ua thotë të vërtetën punëtorëve të saj të lartpërmendur dhe të mos ua humbasë perspektivën e tyre të mëtejme.
“Drejtoria e Burimeve Njerëzore, menjëherë pas mbylljes së afatit do të raportojë në menaxhment për numrin e saktë të kërkesave të pranuara, duke nënvizuar se sa prej tyre janë valide dhe me kritere të plotësuara. Pas analizimit, shqyrtimit dhe aprovimit, mund të nënshkruhet marrëveshja në mes të punëtorit/es dhe Telekomit të Kosovës sh.a.
Më tutje, varësisht nga pako dhe sipas shpjegimit më lartë:
pagesa e kalkuluar për muajt (vitet) e mbetura të marrëdhënies së punës do të procedohet për pagesë të menjëhershme.
pagesa e kalkuluar për 24 muaj të marrëdhënies së punës do të procedohet për pagesë të menjëhershme.
Për sqarim: Ju njoftojmë se Aksionari ka pranuar ofrimin e ndihmës financiare përmes sigurimit të pakove dalëse për punëtorët që vullnetarisht dëshirojnë ta shfrytëzojnë këtë mundësi. Natyrisht, kjo ofertë nuk vlen për punonjësit/et, për të cilët/cilat kompania ndër vite ka investuar në ngritjen dhe zhvillimin profesional të tyre ose/dhe i konsideron kategori të rëndësisë së veçantë në procesin vijues zhvillimor të kompanisë. Pra, kompania ruan të drejtën që jo të gjithë punonjësit/et që aplikojnë do t’ju mundësohet aprovimi i kërkesës për pako dalëse vullnetare”, thuhet tutje në kërkesën e Telekomit për punëtorët. /Buletini Ekonomik/
![](https://gazetainfokus.com/wp-content/uploads/2024/08/f1.jpg)
Të tjera
-
“Dështimet i kanë acaruar Vuçiqin, Vuçeviqin…”, Sveçla: Orientimi Euro-Atlantik i rajonit s’ka kthim
Ministri i Punëve të Brendshme, Xhelal Sveçla, tha dje se Serbia është në pan...
-
Kosova rrezikon të mbetet jashtë Procesit të Berlinit, shkak masa e sigurisë me Serbinë
Kosova mund të mbetet jashtë procesit të Berlinit nëse nuk reflekton në kërke...
-
Shërbimi i Kërkim- Shpëtimit Malor i Kosovës po zhvillon një operacion në Valbonë, s’jep detaje
Shërbimi i Kërkim- Shpëtimit Malor i Kosovës ka njoftuar se një ekip i tyre k...
-
Nuk ka kolona në pikat kufitare të vendit
Janë zvogëluar dukshëm mëngjesin e së dielës pritjet e mërgimtarëve për t...
-
Arrestohen pesë persona në Prishtinë, u ṛṛahën me njëri-tjetrin
Pesë persona janë arrestuar në Prishtinë dje (07 shtator) pasi për shkaqe end...
-
‘Eskavatori’ lë pa ujë disa fshatra në Vushtrri, dëmtuan një gyp gjatë punimeve në autostradë
Kompania e kontraktuar për shtrimin e autostradës Prishtinë-Mitrovicë për...
-
Fundjavë me fluks në Morinë, kosovarët për pushime në Shqipëri edhe në shtator
Edhe mëngjesi i kësaj të shtune ka nisur me fluks qytetarësh e mjetesh nga Ko...
-
Analistët: Veprimet e fundit të Serbisë në raport me Kosovën, përpjekje për destabilizim të Ballkanit
Veprimet e vazhdueshme të Serbisë në raport me Kosovën, sikurse edhe akti i f...
-
Djali i Adem Jasharit, Luli shtrihet në Kardiologji, Lladrovci: S’besoj që ta lë shenjë ty kjo
Kryetari i komunës së Drenasit, Ramiz Lladrovci, ka bërë të ditur se Lulzim J...
-
Vogëlushi i afrohet Kurtit për selfie, pasi e kryen ia vë gishtin në gjoks: Kryeministër ishte kënaqësi, çele Urën e Ibrit
Në ceremoninë e vendosjes së shtatores së presidentit historik, Ibrahim R...
-
Tre të vdẹkur sot në plazhet e Shqipërisë, dy prej tyre kosovarë
Rreth orës 14;50, në lagjen 13 në Durrës, 67-vjeçarja me iniciale A. Gj., ban...
-
Osmani: Strukturat ilegale në veri mbajnë peng integrimin e komunitetit serb
Presidentja e Kosovës, Vjosa Osmani ka pritur në takim të Ngarkuarën me Punë ...