Lajme

​Osmani në Doha: Rrugëtimi ynë nuk ka qenë i lehtë

Autori: Gazeta inFokus 21:14 | 27 March 2022

Presidentja Vjosa Osmani, në edicionin e 20-të të Forumit të Doha në Katar, ka folur për rrugëtimin e Kosovës drejt lirisë, duke përmendur sakrificat e popullit të saj, por edhe ndihmën e vendeve mike.

Ajo në fjalimin e saj shprehu gatishmërinë për rritjen e bashkëpunimit në sferën diplomatike, ekonomike, tregtare dhe kulturore.

“Rrugëtimi ynë nuk ka qenë i lehtë dhe suksesi ynë ka ardhur pas sakrificës së madhe”, tha Osmani duke shtuar se Serbia, nën regjimin e njeriut, i njohur si “kasapi i Ballkanit” Sllobodan Millosheviq, ka kryer krime të përgjakshme.

-Advertisement-

Osmani ka folur edhe për progresin e arritur në vend pas më shumë se dy dekada pas çlirimit nga Serbia.

“Ne sot kemi një ndër demokracitë më të avancuara në botë dhe jam e lumtur që jetoj me njerëzit që besojnë në vlerat e demokracisë”, tha ajo.

Osmani ka përmendur edhe strehimin e refugjatëve afganë në Kosovë, si dhe të atyre nga Ukraina.

Ndryshe, kjo ishte vizita e parë e Osmanit në Katar si presidente.

Subscribe në YouTube: GAZETA INFOKUSI
UNI – Universum International College sërish pjesë e Panairit të Edukimit, vazhdon të ofroj studime me standarde amerikane
-Advertisement-

Të tjera

Fokusi

lajme