Lajme

Britania me sanksione të reja ndaj kompanive e individëve rusë

Autori: Gazeta inFokus 10:42 | 26 March 2022

Qeveria britanike ka vendosur sanksione ndaj 65 individëve dhe kompanive të tjera në përgjigje të pushtimit rus të Ukrainës.

Ato përfshijnë prodhuesin rus të armëve Kronstadt si prodhues i dronëve të armatosur Orion dhe mjeteve të tjera ajrore pa pilot, sipas një përditësimi nga Ministria e Mbrojtjes.

“Këto sisteme janë përdorur gjerësisht në pushtimin rus të Ukrainës,” thuhet në deklaratë, e cila bazohet në informacionin nga shërbimet e inteligjencës britanike.

-Advertisement-

“Mbrojtja ajrore e fuqishme ukrainase pothuajse me siguri ka kufizuar fluturimet me njerëz përtej vijave të tyre të frontit, prandaj Rusia ka shumë të ngjarë të jetë detyruar të përdorë më shumë dronë pa pilotë në vend të tyre,” thuhet tutje në deklaratë.

Sanksionet synojnë të dëmtojnë kompleksin industrial të mbrojtjes të Rusisë dhe të kufizojnë aftësinë e saj për të zëvendësuar çdo dron të humbur.

Sekretarja e Jashtme britanike Liz Truss prezantoi disa nga sanksionet e reja kundër oligarkëve rusë dhe institucioneve, si bankat, të enjten.

Shumë vende të botës kanë vendosur sanksione të ashpra ndaj Rusisë në vazhdimësi pasi ajo nisi pushtimin e Ukrainës./REL

Subscribe në YouTube: GAZETA INFOKUSI
KosovaMed përmbyll vitin me sukses – dhuron donacione për QKMF-në e Junikut
-Advertisement-

Të tjera

Fokusi

lajme