Lajme

Rusia ka filluar hakmarrjen ndaj Amerikës

Autori: Gazeta inFokus 09:17 | 24 March 2022

Rusia ka thënë se do të dëbojë një numër të diplomatëve amerikanë, si shenjë hakmarrjeje, pas vendimit të Shteteve të Bashkuara për të dëbuar 12 diplomatë rusë.

Washingtoni ka thënë muajin e kaluar se do të dëbojë diplomatët rusë nga misioni i Kombeve të Bashkuara në Nju Jork, për shkak të shqetësimeve të sigurisë, dhe më vonë ka bërë të ditur se do të dëbojë edhe një rus shtesë, për të cilin autoritetet amerikane kanë pretenduar se është spiun.

Të hënën, Ministria e Jashtme e Rusisë ka ftuar në bisedë ambasadorin amerikan në Rusi, John Sullivan si shenjë proteste ndaj etiketimit që i ka bërë presidenti amerikan, Joe Biden, liderit rus, Vladimir Putin, duke e quajtur “kriminel lufte”.

-Advertisement-

Një zyrtar i Departamentit amerikan të Shtetit ka konfirmuar se ka marrë listën e diplomatëve që janë shpallur “të padëshiruar” në Rusi.Ende nuk dihet sa dhe kur diplomatët amerikanë do të dëbohen nga Rusia.

Subscribe në YouTube: GAZETA INFOKUSI