Një studim i Universitetit Shtetëror të Pensilvanisë shqyrtoi marrëdhënien midis konsumimit të kumbullave të thata, stresit oksidativ dhe inflamacionit. Rezultatet e studiuesve amerikanë flasin për efektet mbrojtëse të këtij fruti veçanërisht në kockat e grave në post-menopauzë. Në praktikë, konsumimi i kumbullave të thata duket se lidhet me një efekt antioksidant dhe anti-inflamator, me një veprim të dobishëm në kontrast me osteoporozën.

“Kumbullat e freskëta dhe kumbullat e thata janë krejtësisht të ndryshme, shpjegon Stefania Ruggeri, studiuese dhe nutricioniste. Kumbullat e freskëta përmbajnë rreth 87% ujë për 100g dhe për këtë arsye përmbajtja e tyre kalorike është shumë e ulët (rreth 45 kcal për 100 g). Por pavarësisht sasisë së ulët kalorike, ato janë fruta të mbushura me lëndë ushqyese. Ato janë të pasura me kalcium, kalium, vitaminë A dhe vitaminë K dhe një sërë vlerash të tjera.

Përqendrimet në kumbullat e thata janë shumë të ndryshme dhe për këtë arsye duhen konsumuar me kujdes dhe jo në sasi të çrregullta. Kumbullat e thata përmbajnë pak ujë, shumë më tepër sheqerna të cilat janë gjithashtu më të koncentruara dhe për këtë arsye janë padyshim më kalorike (rreth 236 kcal për 100 g).

“Konsumimi i frutave çdo ditë është i mirë për shëndetin tonë, shumë studime shkencore kanë treguar se konsumimi i përditshëm i frutave dhe perimeve zgjat jetën dhe parandalon shumë sëmundje kronike, degjenerative si sëmundjet kardiovaskulare dhe tumoret.

Osteoporoza paraqet një problem të shëndetit publik për gratë mbi moshën 50 vjeçe.

Produktet ushqimore, si kumbullat e thata po bëhen gjithnjë e më popullore, teksa ka prova se ato mund të kenë efekt antioksidues dhe anti-imflamator.

Prandaj flitet edhe për efekte pozitive në zorrë. Kumbullat e thata ndihmojnë qarkullimin e zorrëve, por ajo që del nga disa studime është se konsumimi i rregullt mund të ketë efekte në mikrobiotën e zorrëve dhe për rrjedhojë me efekte shumë më të rëndësishme në shëndetin tonë.

“Përbërjet polifenolike që përmbajnë kumbullat, janë përbërës bioaktivë që luajnë një rol të fuqishëm në reduktimin e gjendjeve inflamatore dhe reduktimin e stresit oksidativ qelizor. Edhe frutat e tjera janë të pasura me to, si për shembull, portokallet, shegët, manaferrat”.

Sipas një studimi amerikan, gratë në menopauzë duhet të konsumojnë 50/100 gram kumbulla të thata në ditë, për të mbrojtur kockat.

Por vlerat ushqyese të kumbullave të thata janë të rëndësishme edhe sistemin imunitar te meshkujt, por në të dyja rastet nuk duhet tepruar me sasinë.

BKT Kosova vlerësohet për herë të tretë "Banka e Vitit 2023 në Kosovë" nga The Banker

Sponsoruar