Lajme

Memli Krasniqi: Prishtina duhet ta ketë një shtatore të Adem Jasharit

Autori: Gazeta inFokus 17:24 | 11 February 2022

Kryetari i Partisë Demokratike të Kosovës, Memli Krasniqi, vizitën e tij zyrtare në Shqipëri e përfundoi duke nderuar shtatoren e komandantit legjendar, Adem Jashari, shkruan Gazeta inFokus.

Krasniqi përmes një postimi në Facebook, shihet se brë homazhe pranë shtatores së komandantit Adem Jashari, duke rikujtuar veprat dhe sakrificat e tij të cilat lanë gjurmë në historikun e Kosovës.

Ai ka theksuar se edhe kryeqyteti i Kosovës, Prishtina, duhet të ketë një shtatore të Adem Jasharit.

-Advertisement-

“Vizitën zyrtare në Shqipëri e përmbylla me nderime tek shtatorja e komandantit legjendar të UÇK-së, Adem Jashari. Vepra dhe sakrifica e tij dhe e familjes Jashari për lirinë, sot janë frymëzim për shqiptarët gjithandej. Sikur kryeqyteti i Shqipërisë që tash e sa vjet e ka shtatoren e Adem Jasharit, edhe Kryeqyteti i Kosovës, Prishtina, duhet ta ketë së shpejti një të tillë në qendër të saj”, ka shkruar Memli në Facebook./Gazeta inFokus/

Subscribe në YouTube: GAZETA INFOKUSI