Musliu-Shoshi i reagon Gërvallës: Mos vajto, puno, nuk mund ta justifikosh dështimin tënd
Autori: Gazeta inFokus 16:30 | 10 January 2022
Deputetja e PDK-së, Ariana Musliu-Shoshi, i ka reaguar ministres së Punëve të Jashtme dhe Diasporës, Donika Gërvallës, e cila ka thënë se do ta kthejnë ligjshmërinë dhe drejtësinë e munguar në këtë institucion dhe se do të shfuqizojnë disa vendime të jashtëligjshme.
Musliu-Shoshi përmes një shkrimi në rrjetin e saj social Facebook i ka reaguar Gërvallës duke i thënë të mos vajtoj por të punojë.
Ajo ka thënë se Gërvalla nuk mund të justifikoj dështimin në politikën e jashtme, skandalet, e mungesën e njohjeve të reja të vendit.
Sipas saj, postimi i fundit i ministres është tregues që deri më tani, “e gjithë çka është bërë nga MPJD nën lidershipin e saj, nuk kanë qenë reformat, por identifikimi i “kundërshtarëve” për t’i goditur ata më pas”.
Lexo edhe: Gërvalla: Të emëruarit në kundërshtim me ligjin do të kthehen në Kosovë
Shkrimi i saj i plotë:
DONIKË, MOS VAJTO. PUNO!
Ta kam thënë gjithmonë – edhe në Komisionin për Punë të Jashtme dhe Diasporë e edhe në seancat e Kuvendit – që çdo shkelje ligjore duhet të ndëshkohet dhe e ke pëkrahjen time të plotë.
Sidoqoftë, dështimin tënd në politikën e jashtme; skandalet e vazhdueshme, asnjë njohje e asnjë anëtarësim NUK mund ta justifikosh me një referat me anë të të cilit po paralajmëron spastrime politike brenda Shërbimit të Jashtëm, duke shkelur ligjet në fuqi e duke e de-funksionalizuar edhe më tej diplomacinë tonë.
Ndryshimet e brendshme është dashur të jenë të përfunduara deri më tani, e jo tek të fillojnë. Projektligji për Ministrinë e Punëve të Jashtme, Projektligji për Shërbim të Jashtëm e ai për Disaporë është dashur të vie në Kuvend qershorin e kaluar, akoma s’kanë ardhur.
Ministria e Punëve të Jashtme dhe ish-Ministria e Diasporës është dashur të jenë të fuzionuara deri më tani, por akoma s’ka as organogram të unifikuar.
Ambasadat është dashur të jenë të gjitha me titullarë dhe me diplomatë të tjerë për të garantuar mirëfunksionimin e tyre, e jo të lihen me staf esencial e në pamundësi për të kryer përfaqësim dinjitoz të vendit e as për të ofruar shërbime konsullore për qytetarët tanë e ata të huaj. Kjo bëhet më e pafalshme kur në këtë situatë, kanë ardhur ambasada si ajo në Uashington, Londër e Bruksel, kur e dijmë rëndësinë e këtyre misioneve. E mos ta harrojmë Ambasadën në Jerusalem, e cila është vetëm me të Ngarkuar me Punë – pa Ambasador/e e pa staf.
Ky postim i fundit i joti është tregues i qartë që deri më tani, e gjithë çka është bërë nga MPJD nën lidershipin tënd nuk kanë qenë reformat, por identifikimi i “kundërshtarëve” për t’i goditur ata më pas.
Pozita e shefes së diplomacisë nënkupton bërjen dhe udhëheqjen e politikës së jashtme të vendit, e jo mikromenaxhimin e brendshëm për të qëruar hesape me ata që mendojnë ndryshe.
Të tjera
-
Kosova shënon rënie për 19 vende në indeksin e lirisë së medieve nga Reporterët Pa Kufij
Asociacioni i Gazetarëve të Kosovës ka thënë se Kosova ka shënuar regres alar...
-
Erdogan e quajti Netanyahun “Hitler”, Turqia ndalon tregtinë me Izraelin! Kryeministri Izraelit: Ai po mban në burg gazetarë e kryen gjenocid ndaj…
Turqia ka pezulluar të gjithë tregtinë me Izraelin për shkak të ofensivës së ...
-
Aksident i frikshëm! Shoferi harroi të vendoste frenat e dorës, kamioni pa kontroll plagos 29 nxënës/PAMJE
Një aksident i tmerrshëm që plagosi rëndë 29 nxënës të moshës 9 deri në 16 vj...
-
Avokatët e ish-presidentit Trump fillojnë sulmin ndaj ish-avokatit të tij Michael Cohen
Avokati mbrojtës i ish-presidentit Donald Trump përgatiti të enjten terrenin ...
-
Publikohet raporti për performancën e qeverisë rreth prokurimit
Initiativa për Progres (INPO) sot do të publikojë raportin “Performanca e Qev...
-
Moti sot i vranët dhe me intervale me diell
Instituti Hidrometeorologjik i Kosovës, njofton se sot mban mot i vranët dhe ...
-
8 vjet nga anëtarësimi i Kosovës në UEFA
Sot bëhen 8 vjet nga anëtarësimi i Kosovës në UEFA. Me 28 vota pro, 24 kun...
-
Sot shënohet Dita Botërore e Lirisë së Shtypit
Asociacioni i Gazetarëve të Kosovës në bashkëpunim dhe me mbështetjen e Misio...
-
Kusari ‘godet’ Tërnavën: S’mundet me ia imponu Kuvendit orientimin fetar
Mimoza Kusari-Lila, shefe e Grupit Parlamentar të Lëvizjes Vetëvendosje ka fo...
-
Kusari-Lila garanton që Dejona Mihali nuk shkruan fjalime për deputetët e VV-së
Mimoza Kusari- Lila, shefe e Grupit Parlamentar të VV’së, në “Pressing” të T7...
-
Themelohet shoqata sportive e Policisë së Kosovës
Drejtori i përgjithshëm i Policisë së Kosovës, Gazmend Hoxha, ka ndërmarrë in...
-
Kryeshefi Ekzekutiv i KOSTT priti në takim, zv. Ambasadorin e Republikës Federale Gjermane
Ndër të tjera Kryeshefi informoi zv. Ambasadorin rreth përgatitjeve për imple...