Lajme

Drejtori i Arsimit në Klinë tregon pse nxënsësit në Përqevë nuk patën ngrohje për të filluar sot mësimin

Autori: Gazeta inFokus 13:26 | 10 January 2022

Nxënësit e fshatit Perçevë të komunës së Klinës, ditën e sotme nuk zhvilluan mësimin për shkak të mungesës së druve në shkollë, shkruan Gazeta inFokus.

Shkolla fillore në fshatin Përqevë ‘Emin Duraku’, sot ka realizuar vetëm dy orët e para të planit mësimor, dhe pastaj të gjithë nxënësit janë detyruar të kthehen në shtëpi.

Drejori i Arsimit të Klinës, Qemajl Sejdija, ka konfirmuar për gazetën Infokus, se kjo ndodhi për shkakë të mos përgjegjshmërisë së operatorëve.

-Advertisement-

“Operatorët kanë qenë të papërgjegjshëm, por sot shkolla furnizohet me dru dhe nga nesër vazhdon mësimi në rregull”, ka thënë Sejdija./Gazeta inFokus/