Lajme

KFOR-i njofton për hyrjen e një konvoji të batalionit rezervë operacional në Kosovë

Autori: Gazeta inFokus 07:09 | 21 December 2021

KFOR-i ka paralajmëruar se automjetet dhe pajisjet ushtarake, duke përfshirë transportuesit e personelit të blinduar (BTR), do të hyjnë në Kosovë midis 21-26 dhjetorit.

Siç njoftojnë, ato pritet të hyjnë nga kufiri i Maqedonisë së Veriut dhe nga Fusha e Kosovës, gjatë rrugës për në kampin Novo Selo, përcjell Klankosova.tv.

“KFOR-i kërkon nga popullata që t’u afrohet autokolonave me kujdesin e duhur dhe respektimin e rregullave të komunikacionit. Madhësia dhe shpejtësia e autokolonës, si dhe gjatësia dhe mënyra e udhëtimit, janë të ndryshme nga ato që përdoren në transportin e përditshëm rrugor. Në pjesën e përparme dhe të pasme të kolonës do të ketë mjete që drejtohen nga Policia Ushtarake,” thuhet në njoftimin e KFOR-it.

-Advertisement-

Tutje bëhet e ditur se lëvizja logjistike e këtyre automjeteve dhe pajisjeve është pjesë e paravendosjes së aseteve të Forcave Rezervë Operative të Forcës së Kosovës.

“Gjatë vitit të ardhshëm, eshaloni i parë i njësive rezervë do të sigurohet nga Hungaria, duke siguruar një gatishmëri shumë të lartë për KFOR-in, që do të ruajë një mjedis të sigurt dhe lirinë e lëvizjes në Kosovë. Shoferë ushtarakë me përvojë nga Batalioni i Rezervës Operacionale Hungareze do të drejtojnë automjetet.”

Kurse thuhet se të gjitha lëvizjet do të bëhen me çdo masë paraprake, për të pakësuar ndikimin në trafikun publik.

Subscribe në YouTube: GAZETA INFOKUSI