A do të lirohen përkohësisht ish krerët e UÇK-së për festat e fundvitit? Flasin nga KSC-ja
![](https://gazetainfokus.com/wp-content/uploads/2021/12/collage-25-600x360-1.jpg)
Autori: Gazeta inFokus
11:56 | 15 December 2021
Edhe këtë vit festat e fundvitit i kanë gjetur në paraburgim ish-krerët e Ushtrisë Çlirimtare të Kosovës.
Ndaj ish-presidentit të Kosovës, Hashim Thaçi, ish-kreut të Partisë Demokratike të Kosovës, Kadri Veseli, ish-anëtarit të Shtabit të Përgjithshëm të UÇK-së, Rexhep Selimi dhe ish-zëdhënësit të UÇK-së, Jakup Krasniqit po rëndojnë akuzat për krime lufte dhe krime kundër njerëzimit.
Nga Dhomat e Specializuara dhe Zyra e Prokurorit tё Specializuar në Kosovë për Gazetën Infokus kanë treguar nëse ka mundësi që ndonjë nga të akuzuarit të lirohet përkohësisht për të festuar me familjen festat e fundvitit.
Në këtë përgjigje thuhet se deri me tani nuk ka ndonjë vendim për lirim të përkohshëm për asnjërin nga të akuzuarit.
“Për momentin nuk ka asnjë vendim nga trupi kompetent i gjyqtarëve në rastet që i përmendët për lirim të përkohshëm për ndonjë nga të akuzuarit”, thuhet në përgjigjen e Dhomave të Specializuara.
E për lirim të përkohshëm nuk është vendosur as për ish krerët e OVL-UÇK-së, Hysni Gucati e Nasim Haradinaj.
Sipas përgjigjes nga Dhomat e Speciales në Kosovë thuhet se çdo dy muaj shqyrtohen arsyet e paraburgimit dhe vendoset nëse kjo masë duhet të vazhdojë apo jo. Derisa po ashtu thuhet se arsyet për të cilat vazhdohet paraburgimi janë besimi se ekziston rreziku i arratisjes, që mund të ndikohet në prova dhe dëshmitare ose që mund të përsëritet vepra penale nga i akuzuari.
“Ligji parasheh që derisa aktgjykimi të jetë i formës së prerë ose deri në lirimin, gjyqtari i procedurës paraprake ose trupi gjykues do të shqyrtojë çdo dy muaj nëse ekzistojnë ende arsyet e paraburgimit dhe të nxjerr aktvendim me të cilin ose zgjatet paraburgimi ose ndërpritet. Arsyet për të zgjatur paraburgimin mund të jenë që gjyqtari(ët) të gjejë(në) arsye të arsyeshme për të besuar se ekziston rreziku i arratisjes, se ekziston rreziku që i Akuzuari mund të shkatërrojë ose falsifikojë prova, ose që i Akuzuari mund të përsërisë ose të kryejë një vepër penale”, thuhet në përgjigjen e Dhomave të Specializuara.
Kujtojmë se Specialja ka urdhëruar Policinë e Kosovës të tregojë detajisht nëse është e aftë ta sigurojë mbrojtjen në liri të ish-krerëve të UÇK-së.
Dhomat e Specializuara deri më tani kanë bërë publik një pjesë të përgjigjes së Policisë së Kosovës për mbrojtjen e Kadri Veselit, pas lëshimit të urdhrit nga Gjykata Speciale për Policinë e Kosovës.
Derisa në një prononcim për Gazetën Infokus nga Dhomat e Specializuara, kishin konfirmuar se është bërë një kërkesë për lirimin e Kadri Veselit dhe për këtë përgjigja e Policisë së Kosovës gjendet në të dhënat e KSC-së por që ende nuk është publikuar e plotë.
Ish krerët e UÇK-së gjenden në paraburgim në Hagë që nga nëntori i vitit 2020./Gazeta Infokus/
![](https://gazetainfokus.com/wp-content/uploads/2024/08/VKD01249-scaled.jpg)
Të tjera
-
‘Eskavatori’ lë pa ujë disa fshatra në Vushtrri, dëmtuan një gyp gjatë punimeve në autostradë
Kompania e kontraktuar për shtrimin e autostradës Prishtinë-Mitrovicë për...
-
Fundjavë me fluks në Morinë, kosovarët për pushime në Shqipëri edhe në shtator
Edhe mëngjesi i kësaj të shtune ka nisur me fluks qytetarësh e mjetesh nga Ko...
-
Analistët: Veprimet e fundit të Serbisë në raport me Kosovën, përpjekje për destabilizim të Ballkanit
Veprimet e vazhdueshme të Serbisë në raport me Kosovën, sikurse edhe akti i f...
-
Djali i Adem Jasharit, Luli shtrihet në Kardiologji, Lladrovci: S’besoj që ta lë shenjë ty kjo
Kryetari i komunës së Drenasit, Ramiz Lladrovci, ka bërë të ditur se Lulzim J...
-
Vogëlushi i afrohet Kurtit për selfie, pasi e kryen ia vë gishtin në gjoks: Kryeministër ishte kënaqësi, çele Urën e Ibrit
Në ceremoninë e vendosjes së shtatores së presidentit historik, Ibrahim R...
-
Tre të vdẹkur sot në plazhet e Shqipërisë, dy prej tyre kosovarë
Rreth orës 14;50, në lagjen 13 në Durrës, 67-vjeçarja me iniciale A. Gj., ban...
-
Osmani: Strukturat ilegale në veri mbajnë peng integrimin e komunitetit serb
Presidentja e Kosovës, Vjosa Osmani ka pritur në takim të Ngarkuarën me Punë ...
-
Bulliqi i kundërpërgjigjet Hysenit të LDK-së: Je një mjeran politik
Kryetari i Komunës së Podujevës, Shpejtim Bulliqi, i është kundërpërgjigjur a...
-
Qendra për menaxhim kufitar del me njoftim pas hapjes së pikave kufitare
Qendra për menaxhim kombëtar ka njoftuar se janë hapur për qarkullim pikat ku...
-
Selmanaj i drejtohet Osmanit e Gërvallës: Ju guxuat të shanit LDK’në, por nuk guxuat të bëni zë kur Kurti ua shuajti partinë
Pas pranisë së kryeministrit Albin Kurti në inagurimin e shtatores së ish...
-
Sveçla: Serbia në panik, “shkolla ruse” për destabilizim të Kosovës e rajonit po dështon
Ministri i Punëve të Brendshme, Xhelal Sveçla, ka thënë se Serbisë është ...
-
Tahiri pas inaugurimit të shtatores së Ibrahim Rugovës: Lideri që nuk u lëkund, duke mbetur i përkushtuar ndaj një Kosove të lirë
Deputeti i AAK’së, Besnik Tahiri në rastin e ceremonisë së vendosjes së s...