Lajme

Shpërthen një bombolë e gazit në Prishtinë, lëndohet një person

Autori: Gazeta inFokus 16:12 | 02 December 2021

Sot rreth orës 14:45 ka ndodhur një shpërthim në rrugën “Shaip Kamberi” në Prishtinë, ku si pasojë e këtij shpërthimi një person është lënduar, shkruan Gazeta Infokus.

Këtë për Gazetën Infokus e ka konfirmuar zëdhënësi i policisë për rajonin e Prishtinës, Agron Borovci, i cili ka treguar se e lënduara është dërguar në QKUK për trajtimin e nevojshëm mjekësor.

“Policia ka dalë në vendin e ngjarjes dhe në bazë të informacioneve të para dyshohet që shpërthimi ka ardhur nga një bombole gazi e shfrytëzuar për nevoja familjare”, tha Borovci.

-Advertisement-

Gjithashtu, është njoftuar se janë shkaktuar edhe dëme materiale në dhomën e shtëpisë ku ishte e vendosur bombola./Gazeta Infokus/

Subscribe në YouTube: GAZETA INFOKUSI