“Vrasjet në Gllogjan, vrasjet e pasluftës, vjedhja e 2 milionëve”, përplasje në distancë mes Hikmete Bajramit dhe Imer Mushkolajt
![](https://gazetainfokus.com/wp-content/uploads/2021/11/imer-hykmete-780x439-11.jpg)
Autori: Gazeta inFokus
19:44 | 29 November 2021
Replika e kundër replika nga distancë ka pasur mes deputetes së LDK-së Hykmete Bajrami dhe analistit Imer Mushkolaj.
Një postim i deputetes së LDK-së në Facebook për vajosjet në Gllogjan ka nxitur reagimin e analistit i cili u pasua nga kundër reagimi i deputetes opozitare.
Deputetja e LDK-së Hykmete Bajrami përmes një shënimi në Facebook ka shprehur shqetësimin e saj që institucionet shtetërore nuk po munden të zbardhin rastin e vrasjes së tre personave në Deçan.
“Zbardheni krimin në Gllogjan, kërkoni ndihmë edhe nga ndërkombëtarët”, ka shkruar deputetja.
“Me pasë qenë në vend të kësaj zonjës gojën s’e kisha çelë. Hiç. 2 milionë euro janë vjedhë nga Thesari në kohën e saj ministre. Tash mban ligjëratë, por krimi i 2 milionëve nuk është zbardhur”, kishte reaguar Mushkolaj.
Nuk kishte vonuar shumë dhe kishte ardhur replika e Bajramit.
Bajrami në reagimin e saj ndaj Mushkolajt ka thënë se është për zbardhjen e të gjitha krimeve që janë bërë në të gjitha kohërat.
“z. Mushkolaj, unë s’kam bërë asgjë në këtë jetë për të me ardhë turp dhe për ta mbajtë gojën mbyllur. Shko i gjen në burg hajnat e 2.1 milionë eurove. Me pasë qenë në vendin tuaj isha informu se çka ka ndodh me rastin e 2.1 milionë euro. Isha informu se ka aktakuzë për këtë rast, ka nisë gjykimi dhe të akuzuarit janë në paraburgim. Gjithçka po zbardhet dhe dihet çdo cent se ku ka shku. Drejtësia po e kryen punën e saj. Si në kohën time, si në kohën tënde, si në kohën e Qeverisë së tanishme, krimet duhet të zbardhen dhe kriminelët të dënohen. Për secilin krim kurdo e kudo që ndodhë do të kërkoj të zbardhet. Sikurse edhe krimi në Gllogjan të Deçanit”, ka shkruar Bajrami.
Mushkolaj ka bërë kundër replikë, duke i kujtuar bajramit se vjedhja e 2 milionë eurove ka ndodhur në kohën kur kjo ishte ministër, derisa thotë se gjithmonë ka folur për vrasjet e pasluftës, derisa sipas tij “dikush këto vrasje i ka përdorur edhe për fushata elektorale”.
“Zonja Bajrami, se çfarë ka ndodhur dhe ç’po ndodh me procesin e 2.1 milionë eurove e di shumë mirë. Skandali ka ndodhur gjatë qeverisjes tuaj. Qytetarët presin që paratë e vjedhura të kthehen në buxhet deri në centin e fundit. Sa për vrasjet në Kosovë, që nga përfundimi i luftës deri tash, jam ndër ata që vazhdimisht, publikisht jam angazhuar për zbardhjen e tyre. Për fat të keq, ato vrasje dikush i ka përdorur edhe për fushata elektorale. Besoj e dini për kë e kam fjalën”, ka shkruar tutje Mushkolaj.
![](https://gazetainfokus.com/wp-content/uploads/2023/08/Rakinice-Skenderaj.jpg)
Të tjera
-
Kosova rrezikon të mbetet jashtë Procesit të Berlinit, shkak masa e sigurisë me Serbinë
Kosova mund të mbetet jashtë procesit të Berlinit nëse nuk reflekton në kërke...
-
Shërbimi i Kërkim- Shpëtimit Malor i Kosovës po zhvillon një operacion në Valbonë, s’jep detaje
Shërbimi i Kërkim- Shpëtimit Malor i Kosovës ka njoftuar se një ekip i tyre k...
-
Nuk ka kolona në pikat kufitare të vendit
Janë zvogëluar dukshëm mëngjesin e së dielës pritjet e mërgimtarëve për t...
-
Arrestohen pesë persona në Prishtinë, u ṛṛahën me njëri-tjetrin
Pesë persona janë arrestuar në Prishtinë dje (07 shtator) pasi për shkaqe end...
-
‘Eskavatori’ lë pa ujë disa fshatra në Vushtrri, dëmtuan një gyp gjatë punimeve në autostradë
Kompania e kontraktuar për shtrimin e autostradës Prishtinë-Mitrovicë për...
-
Fundjavë me fluks në Morinë, kosovarët për pushime në Shqipëri edhe në shtator
Edhe mëngjesi i kësaj të shtune ka nisur me fluks qytetarësh e mjetesh nga Ko...
-
Analistët: Veprimet e fundit të Serbisë në raport me Kosovën, përpjekje për destabilizim të Ballkanit
Veprimet e vazhdueshme të Serbisë në raport me Kosovën, sikurse edhe akti i f...
-
Djali i Adem Jasharit, Luli shtrihet në Kardiologji, Lladrovci: S’besoj që ta lë shenjë ty kjo
Kryetari i komunës së Drenasit, Ramiz Lladrovci, ka bërë të ditur se Lulzim J...
-
Vogëlushi i afrohet Kurtit për selfie, pasi e kryen ia vë gishtin në gjoks: Kryeministër ishte kënaqësi, çele Urën e Ibrit
Në ceremoninë e vendosjes së shtatores së presidentit historik, Ibrahim R...
-
Tre të vdẹkur sot në plazhet e Shqipërisë, dy prej tyre kosovarë
Rreth orës 14;50, në lagjen 13 në Durrës, 67-vjeçarja me iniciale A. Gj., ban...
-
Osmani: Strukturat ilegale në veri mbajnë peng integrimin e komunitetit serb
Presidentja e Kosovës, Vjosa Osmani ka pritur në takim të Ngarkuarën me Punë ...
-
Bulliqi i kundërpërgjigjet Hysenit të LDK-së: Je një mjeran politik
Kryetari i Komunës së Podujevës, Shpejtim Bulliqi, i është kundërpërgjigjur a...