Lajme

Përjashtimi i Haxhi Ibishit nga PDK, reagon veterani i UÇK-së

Autori: Gazeta inFokus 10:24 | 15 October 2021

Veterani i Ushtrisë Çlirimtare të Kosovës, Sejdi Godanci ka reaguar ndaj përjashtimit të zyrtarit të PDK-së, Haxhi Ibishi.

Ai për Ibisihin ka thënë se njihet si njeri humanist.

“Dr.Ibishi njihet si njeri humanist, doktor dhe njeri me vlera të mëdha, që më plot kuptimin e fjalës në Klinë nuk ka edhe një të tillë!

-Advertisement-

Kontributi i doktorit në PDK është i pazëvendësueshëm, kur dihet botërisht që Partia Demokratike e Kosovës dega në Klinë më ndihmën e tij i ka fituar dy mandate nga 2009!”, ka shkruar ai.

Ndër të tjera Godanci ka thënë se PDK në Klinë edhe njëherë ka treguar se si i lufton intelektualet brenda partisë, dhe ky nuk është rasti i parë. Sipas tij kjo po ndodh në vazhdimësi.

“Nuk dua ta zgjas më shumë sepse të shkruash për humanizmin dhe kontributin e doktorit duhet shumë kohë.
Edhe pse tani kanë mbetur edhe dy ditë para zgjedhjeve ky veprim i PDK-së dega në Klinë do të këtë pasoja të pariparueshme.

Dhe ky veprim do te ndikoj direkt në rezultatin e PDK-së në Klinë!”, ka thënë Sejdi Godanci.

Të enjten Dega e Partisë Demokratike të Kosovës në Klinë ka marrë vendim për përjashtimin e zyrtarit të saj nga radhët e PDK-së, Haxhi Ibishi. /Gazeta Infokus/

Subscribe në YouTube: GAZETA INFOKUSI