Lajme

Raportohen tre persona të zhdukur në Kosovë

Autori: Gazeta inFokus 10:00 | 15 Shtator 2021

Tre persona janë raportuar të zhdukur gjatë 24 orëve të fundit në Kosovë, shkruan Gazeta Infokus.

Personat e zhdukur janë nga Fushë Kosovë, Istogu dhe Gjakova.

Në Fushë Kosovë babai ka raportuar se vajza e tij është larguar nga shtëpia dhe nuk dihet vendndodhja e saj.

-Advertisement-

“Ankuesi mashkull kosovar ka raportuar se vajza e tij viktimë femër kosovare, është larguar nga shtëpia dhe nuk kanë njohuri për vend ndodhjen e saj”, thuhet në raportin e policisë.

Në Istog nipi nga fshati Dobrushë ka raportuar në polici se axha i tij është larguar nga shtëpia dhe nuk dihet vendndodhja e tij.

“Më 14.09.2021 ankuesi mashkull kosovar, ka raportuar se axha i tij viktima mashkull kosovar, është larguar nga shtëpia dhe nuk kanë njohuri për vend ndodhjen e tij. Rasti vazhdon të hetohet”, thuhet në raportin 24 orësh.

Ndërsa në Gjakovë babai ka raportuar se vajza e tij është larguar nga shtëpia dhe nuk është kthyer më.

“Më 14.09.2021 ankuesi mashkull kosovar, raportuar se vajza e tij viktimë femër kosovare, është larguar nga shtëpia dhe nuk kanë njohuri për vend ndodhjen e saj”, bëhet e ditur në raport. /Gazeta Infokus/