Lajme

Detaje për aksidentin në Prizren ku vdiq 23 vjeçari, kjo është gjendja e vëllaut të tij

Autori: Gazeta inFokus 09:32 | 12 July 2021

Mbrëmë rreth orës 20:00 ka ndodhur një aksident në Prizren ku ka mbetur i vdekur një 23 vjeçar.

Sipas raportit 24 orësh të policisë së Kosovës, vetura ka goditur një mur duke u rrokullisur.

Si pasojë e aksidentit, pasagjeri 23 vjeçar ka pësuar lëndime të rënda trupore dhe ka ndërruar jetë, po ashtu edhe ngasësi i veturës (vëllai i viktimës) është në gjendje të rëndë duke u trajtuar në spitalin rajonal.

“Fsh. Lubizhdë, Prizren 11.07.2021 – 19:55. Ka ndodhë një aksident trafiku deri sa ngasësi mashkull kosovar, dyshohet duke ngasur veturën në mënyrë të pa kontrolluar del jashtë rruge duke u rrokullisur ka goditur një mur. Si pasojë e aksidentit pasagjeri mashkull kosovar ka pësuar lëndime të rënda trupore dhe ka ndërruar jetë. Po ashtu edhe ngasësi ka pësuar lëndime të rënda trupore dhe është duke u trajtuar në spitalin rajonal. Me urdhër të prokurorit trupi i pa jetë është dërguar në IML për Obduksion.”, thotë raporti i policisë./gazetametro/