Rozë

Tollovi e madhe e njerëzve në Prizren, s’pyet kush për pandemi

Autori: Gazeta inFokus 23:29 | 29 December 2020

Të martën në mbrëmje është parë një tollovi e madhe e njerëzve në Shatërvanin e Prizrenit.

Ndonëse, komuna e Prizrenit është ranguar në komunat që hyjnë në zonën e gjelbërt, tubimet e tilla ende s’lejohen nga Ministria e Shëndetësisë.

-Advertisement-

Mirëpo, prizenasit duket se s’po ia vënë veshin ligjit të pandemisë.

Në bazë të disa pamjeve që ka siguruar IndeksOnline shihet se njerëzit janë grumbulluar në qytetin e bukur të Prizrenit, duke mos respektuar masat antiCovid.

Sipas vendimit të Ministrisë së Shëndetësisë, ndalohen të gjitha tubimet publike në hapësira publike më shumë se 4 persona.

“Ndalohet grumbullimi i qytetarëve në numër prej më shumë se 4 personave në sheshe publike, parqe, vende publike, qendra rekreative dimërore dhe të ngjashme, me përjashtim rasteve të lejuara me këtë vendim”.