Lajme

Vranët, reshje shiu e shkarkime rrufesh

Autori: Gazeta inFokus 07:46 | 25 August 2020

Instituti Hidrometeorologjik i Kosovës bën të ditur se java e fundit e gushtit do të jetë me mot të ndryshueshëm, me vranësira dhe intervale me diell, ndërsa të martën, në pjesën e dytë të ditës nuk do të jenë stabile dhe për pasojë do të krijojnë kushte për reshje shiu dhe shkarkime rrufesh.

Kjo situatë meteorologjike do të mundësoj rënien e temperaturave për 3-5 gradë të maksimaleve, por nga dita e mërkurë sërish mot me diell dhe i qetë.

IHK njofton se temperaturat minimale do të lëvizin ndërmjet 13-16 gradë Celsius, ndërsa maksimalet e ditës parashihen të lëvizin ndërmjet 27-32 gradë Celsius.

-Advertisement-

Në viset malore temperaturat minimale do të lëvizin ndërmjet 11-13 gradë Celsius, ndërsa maksimalet e ditës parashihen të lëvizin ndërmjet 23-25 gradë Celsius.

Indeksi UV nga dita e mërkurë sërish do t’i ketë vlerat e larta, prandaj udhëzimet e IKSHP janë të dobishme për gjitha shtresat e popullatës, me theks të veçantë për ata që kanë sëmundje kronike.

Do të fryjë erë nga jugperëndimi dhe verilindja me shpejtësi 1-11m/s.

Subscribe në YouTube: GAZETA INFOKUSI