8 vjet burg për çiftin kosovar që përvetësoi 900 mijë franga nga sigurimi
Autori: Gazeta inFokus 13:31 | 01 May 2017
Ajo që ka ngjallur më tepër interes për këtë proces gjyqësor është rrethana se filmimet me kamera të fshehta të bëra nga detektivët socialë konsiderohen problematike nëse përdoren si dëshmi
Fakti se përdorimi i filmimeve nga përgjimi i të dyshuarve për abuzim me ndihmat sociale është çështje e ndjeshme, nuk e ka penguar Gjykatën e Qarkut në Baden (Aargau) për të dënuar çiftin shqiptar të Kosovës.
Burri 56 vjeçar (X.A.) është dënuar me 4 vjet e gjysmë burg ndërsa gruaja me 3 vjet e gjysmë, shkruan aargauerzeitung.ch. Kjo pasi që është konstatuar se burri për 16 vite e ka mashtruar sigurimin, duke marrë rreth 900 mijë franga në emër të pensionit të invaliditetit ndërsa gruaja e ka ndihmuar në simulimin e invaliditetit.
Ajo që ka ngjallur më tepër interes për këtë proces gjyqësor (për të cilin ka shkruar edhe albinfo.ch) është rrethana se filmimet me kamera të fshehta të bëra nga detektivët socialë konsiderohen problematike nëse përdoren si dëshmi. Vitin e kaluar Gjykata Evropiane për të Drejtat e Njeriut në Strassburg e kishte zmbrapsur një dënim të një rasti të ngjashëm që kishte shqiptuar një gjykatë zvicerane, mbështetur në dëshmitë nga xhirimet e fshehta.
Sidoqoftë, çifti shqiptar ka marrë një dënim relativisht të rëndë.
Kosovari ga komuna Wettingen e kantonit Aargau, kishte pësuar në një aksident me kamionin e tij. Nga viti 1996 ai merr pension të invaliditetit mbi këtë bazë, transmeton albinfo.ch.
Pa ndihmën e dikujt ai nuk mundet as të vishet, kishte thënë personi në fjalë duke arsyetuar invaliditetin e tij. Po kështu ai ankohej për dhembje të përhershme të kokës, shpinës dhe këmbëve.
Por, pasi sigurimi i tij dyshonte në invaliditetin e ish shoferit të kamionit, angazhon detektivë privat për ta përgjuar. Dhe ata sollën dëshmi interesante. Përkundër faktit se ai kishte theksuar se prej 20 vitesh nuk mundte të ecte me makine, ata e kishin filmuar në timon. Ata, nga vëzhgimet e tyre kishin konstatuar po ashtu se kosovari nuk kishte probleme as në kryerjen e punëve të tjera të përditshme.
Televizioni regjional “Tele M1” ka biseduar me të birin e 56 vjeçarit, përcjell albinfo.ch. Ai thotë se babai i tij nganjëherë bëhet më mirë dhe kamioni është një lloj terapie.
Ndërkaq, para gjykatës duhet të përgjigjet edhe bashkëshortja e tij, transmeton albinfo.ch Ajo akuzohet se “e ka mbuluar” gjatë gjithë kohës, që ai të mund të përfitonte nga pensioni. Por, avokati që e përfaqëson gruan, është i sigurt se i shoqi i saj është invalid. “Në raportet e hershme mjekësore është konstatuar kështu, thotë ai.
Ndërkohë që X.A. gjatë procesit gjyqësor ka pasur qëndrim apatik, gruaja e tij ka shpërthyer në lot. Nuk ka mundësi që burri i saj të ketë simuluar prej 21 vitesh, thotë ajo, transmeton albinfo.ch. Fundja është vetë ajo që është përkujdesur për të gjatë gjithë kësaj kohe dhe dy fëmijët kanë vuajtur nga kjo gjendje.
Mirëpo gjyqtarët kanë qenë të bindur se ai ka simuluar gjatë gjithë kohës. Kështu ata e kanë dënuar burrin për mashtrim me 4 vjet e gjysmë burg dhe gruan me 3 vjet e gjysmë.
Të tjera
-
Ramiz Qeriqi thotë se gjatë kohës së luftës i ka raportuar Fatmir Limajt dhe jo Rexhep Selimit
Dëshmitari Ramiz Qeriqi tha se gjatë kohës së luftës kur ka shërbyer në Krojm...
-
PE voton për liberalizimin e vizave për kosovarët që mbajnë pasaporta serbe
Parlamenti Evropian ka votuar të martën në favor të liberalizimit të vizave p...
-
LDK për raportin e DASH për Kosovën: I dha vulë paaftësisë së Qeverisë dhe korrupsionit
Lidhja Demokratike e Kosovës duke reaguar ndaj raportit të fundit të Departam...
-
Stano: Për masat ndaj Kosovës vendos Këshilli… në bazë të raportit të Borrellit
Bashkimi Evropian tha se Këshilli i Ministrave do të diskutojë për masat ndaj...
-
Kamberi takohet me Von Cramon, diskutojnë problemet e diskriminimit të shqiptarëve në Luginë
Deputeti shqiptar në Parlamentin e Serbisë, Shaip Kamberi është takuar me eur...
-
Emmerson: Prokuroria po e shfrytëzon dëshmitarin Ramiz Qeriqi si “kalë troje”
Ka filluar dëshmia e dëshmitarit 55-të në Hagë. Dëshmitari është Ramiz Qer...
-
Haradinaj bën homazhe në Sllup, Hereq dhe Dujakë
Kryetari i AAK-së, Ramush Haradinaj, ka bërë homazhe në Sllup, Hereq dhe Duja...
-
Duda Balje u ndalua nga policia serbe në Merdarë
Deputetja e Kuvendit të Kosovës, Duda Balje është ndaluar të martën nga autor...
-
Aktivistët bllokojnë me ngjitës zyrën e profesorit Xhevat Krasniqi
Lëvizja Feministe Studentore ia ka bllokuar me ngjitës zyrën profesorit të Un...
-
PAMJE: “Fluturoi” mbi rrreth dhe mori shtyllën me vete, kështu përfundoi në pompë të derivateve vetura në Veternik
Një aksident i rëndë ka ndodhur të dielën në Veternik ku një veturë ka përfun...
-
Ramiz Qeriqi pohon se kishte polici ushtarake në batalionin e tij
Në Dhomat e Specializuara të Kosovës (DhSK) po vazhdon dëshminë dëshmitari i ...
-
Bie fasada nga një ndërtesë në Prishtinë, detaje nga zjarrfikësit
Në rrugën “UÇK” në Prishtinë një pjesë e fasadës së një ndërtese ka rënë, duk...