8 senatorë i drejtohen Bidenit, kërkojnë masa të ashpra ndaj Kosovës dhe Serbisë nëse nuk tërhiqen nga eskalimi në veri
![](https://gazetainfokus.com/wp-content/uploads/2023/06/original1-852x460.jpg)
Autori: Gazeta inFokus
23:27 | 26 June 2023
Tetë senatorë amerikanë i kanë drejtuar një letër Presidentit të Shteteve të Bashkuara të Amerikës, Joe Biden, ku shprehen të shqetësuar për tensionet në rritje në veri të Kosovës.
Fillimisht senatorët Jeannee Shaheen, Christopher S. Murphy, Chris Van Hollen, Benjamin L. Cardin, Pete Ricketts, Thom Thillis, Peter Welch dhe Richard J. Durbin shprehen të shqetësuar para Presidentit për dhunën e serbëve mbi forcat e KFOR-it.
Në këtë letër vlerësohen përpjekjet e SHBA-së për de-përshkallëzimin e tensioneve, por sipas tyre, këto përpjekje nuk kanë qenë reciproke veçanarisht nga Kosova, ku tutje thuhet se për shkak të kësaj qasjeje ata kanë gatishmëri për ta ndryshuar mbështetjen e Kongresit.
“Zoti President Biden, ju shkruajmë për të shprehur shqetësimin tonë të sinqertë lidhur me situatën e rënduar në veri të Kosovës, ku dhuna e fundit serbe kundër Forcës së Kosovës të NATO-s (KFOR) në veri të Kosovës ka lënduar afërsisht 40 ushtarë paqeruajtës të NATO-s. Pas këtyre sulmeve, jemi të shqetësuar për vendimet e marrë nga qeveritë e Kosovës dhe Serbisë që vazhdojnë të eskalojnë tensionet në vend të zvogëlimit të tyre. Jemi veçanarisht të shqetësuar për sigurinë dhe mirëqenien e vazhdueshme të afërsisht 600 ushtarëve amerikanë që shërbejnë brenda KFOR-it. Vlerësojmë përpjekjet diplomatike të Shteteve të Bashkuara për të zvogëluar krizën, por këto përpjekje nuk kanë reciproke qenë nga Kosova në veçanti. Si pasojë, jemi të gatshëm të marrim në konsideratë ndryshimin e mbështetjes së Kongresit”, thuhet në letër, raporton Gazeta Express.
Tetë senatorët janë shprehur të lumtur që SHBA ka ndërmarrë hapa konkretë për të ndërtuar marrëdhëniet më të mira me Serbinë dhe kontributin për pavarësinë e Kosovës në vitin 2008.
“Shtetet e Bashkuara kanë një histori të gjatë në rajonin e Ballkanit Perëndimor. Jemi krenarë që Shtetet e Bashkuara kanë luajtur një rol në pavarësinë e Kosovës në vitin 2008. Gjithashtu, jemi të lumtur që Shtetet e Bashkuara kanë marrë hapa konkrete për të ndërtuar një marrëdhënie me Serbinë. Ka një përkushtim bipartisan për të ruajtur udhëheqjen e fortë të Shteteve të Bashkuara në rajon, por gjithashtu për të siguruar që kapitali ynë diplomatik të mund të përdoret në mënyrë efektive për zgjidhjen e çështjeve të pazgjidhura midis të dy vendeve”, theksojnë ata në letrën dërguar Presidentit.
Ata janë shprehur të zhgënjyer nga veprimet e fundit të qeverive të Serbisë dhe Kosovës që rrezikojnë mundësitë për normalizim, sipas tyre, duke marrë vendime provokuese që kërcënojnë perspektivën e përmirësimit të marrëdhënieve bilaterale.
“Kjo përfshin arrestimet e fundit të tre oficerëve të Policisë së Kosovës nga autoritetet serbe më 14 qershor. Vendimi i serbëve të Kosovës për të refuzuar të marrin pjesë në zgjedhjet vendore komunale, si dhe veprimet e qeverisë së Kosovës për të hyrë me forcë në ndërtesat komunale kanë çuar në një eskalim dramatik të tensioneve dhe dhunës që tani kërcënon paqen e brishtë në rajon.”
Ata kanë kërkuar presion të shtuar diplomatik për t’i dhënë fund krizës dhe për ta rifilluar progresin e nisur sipas Marrëveshjes së Ohrit.
“Ju inkurajojmë të aplikoni presion diplomatik për të përfunduar këtë krizë aktuale dhe për të rifilluar progresin në Marrëveshjen e Ohrit. Ne e mbështesim propozimin e Bashkimit Evropian për Serbinë dhe Kosovën, i cili përfshin: tërheqjen e kryetarëve nga ndërtesat komunale në veri të Kosovës; pezullimin e operacioneve policore në afërsi të ndërtesave komunale, shoqëruar nga përfundimi i protestave; shpalljen e zgjedhjeve të reja komunale me angazhimin e pjesëmarrjes së serbëve të Kosovës; dhe rikthimin në dialog për zbatimin e Marrëveshjes së Ohrit, duke përfshirë Asociacionin e Komunave me shumicë serbe në veri të Kosovës”, thuhet tutje në këtë letër.
Ata kanë kërkuar që të pezullojnë shitjen e armëve te të dyja shtetet dhe zgjerimin e marrëdhënieve bilaterale me Kosovën dhe Serbinë si mënyrë për ta shtuar presionin.
“Ju inkurajojmë të shtyni të pezulloni shitjet e planifikuara të armëve të huaja dhe çdo zgjerim tjetër të marrëdhënieve bilaterale të sigurisë me të dyja vendet. Kërkojmë që administrata të paraqesë një raport në Senatin e Shteteve të Bashkuara për të konfirmuar se të dy qeveritë po ushtrojnë tërë forcën e tyre për të evituar çdo veprim që mund të cenojë pa nevojë sigurinë e trupave amerikane që marrin pjesë në KFOR. Jemi gjithashtu të gatshëm për të rishikuar financimet dhe autorizimet vjetore bilaterale për të dy vendet sipas nevojës”, thuhet më tej.
“Zoti President, Shtetet e Bashkuara kanë luajtur gjithmonë një rol konstruktiv në rajon, dhe ne dëshirojmë që kjo përfshirje të vazhdojë. Por këto marrëdhënie duhet të ndërtohen mbi mirësjellje, bashkëpunim të vërtetë dhe vlera të ndarë. Ne nuk shohim këtë epizod të fundit të tensioneve si një devijim të përkohshëm në marrëdhëniet bilaterale; ne e shohim këtë si një moment vendimtar në rrjedhën e marrëdhënieve tona me të dy vendet. Nëse elementët themelorë të marrëdhënies nuk janë reciproke, ju inkurajojmë të konsideroni hapa të mëtejshëm për të kufizuar këto marrëdhënie ashtu siç kemi paraqitur më sipër”, thuhet në fund.
![](https://gazetainfokus.com/wp-content/uploads/2023/12/414852708_7280633965309387_5391335122745764068_n-1130x635-1.jpg)
Të tjera
-
Dy qytetarë sulmohen nga qentë endacakë në oborrin e QKUK-së në Prishtinë
Dy persona janë sulmuar nga qentë endacakë në Qendrën Klinike Universitare të...
-
Ulja e dënimit për Salih Mustafën, avokati thotë se ka bazë që të zvogëlohet edhe më tutje
Avokati Xhevdet Smakiqi ka folur në lidhje me vendimin për uljen e dënimit të...
-
“E kam lut me u ndal”, pronari i hotelit ku kishte ndodhur vrạsja në Dragodan rrëfen për ngjarjen
Dëshmitari Vegim Imeri, pronar i hotelit ku kishte ndodhur vrasja në 2023-ën ...
-
Daut Haradinaj: AAK-ja bën gabim nëse bën koalicion me Vetëvendosjen
Zyrtari i Aleancës për Ardhmërinë e Kosovës (AAK), Daut Haradinaj, ka shprehu...
-
Ndërron jetë kirurgu Dalip Limani, ShSKUK del me një njoftim
Shërbimi Spitalor dhe Klinik Universitar i Kosovës, ka njoftuar se ka vdekur ...
-
Tahiri: Tash kur dështoi ta hap Urën, Kurti po thotë se “po presim KFOR-in dhe shtetet e QUINT-it”
Ish-kryenegociatorja e Kosovës për bisedimet me Serbinë, Edita Tahiri, ka rea...
-
Ky është “sheiku” arab që po raportohet se u arrestua në Prishtinë
Njësiti Fast Kosova i Policisë së Kosovës, sot pas një pune intensive në terr...
-
Detaje nga vrạsja e dyfishtë në Fier, viktimat xhaxha dhe nip mes vete
Një konflikt mes djalit të autorit, Altin Kukës dhe dhe dy viktimave, që mëso...
-
“Policia ishte korrekte, nuk pati dhunë” – Politikani serb që u arrestua sot në veri flet pas lirimit
Nënkryetari i partisë së serbëve të Kosovës, “Demokracia Serbe”, Ivan Orllovi...
-
“Osmani e mori vesh përmes shokëve të burrit”- Syla pretendon se do të ketë arrestime brenda Qeverisë Kurti, thotë se kjo është arsyeja pse u distancua presidentja
Analisti Valon Syla deklaroi se javët në vijim do të ketë arrestime brenda Qe...
-
12 vjet nga përfundimi i mbikqyrjes së pavarësisë, Kurti falënderon aleatët
Kryeministri Albin Kurti ka thënë se është mirënjohës për mbështetjen e aleat...
-
Ilir Mirena: Vjosa po kërkon armiq që ta vazhdoj karrierën, Albinit më nuk i duhet
Gazetari Ilir Mirena, ka thënë se presidentja e Kosovës Vjosa Osmani, ka nevo...