Fokus

60% me 7% – përballja e pabarabartë Vuciq – Hoti

Autori: Halil Berisha 17:12 | 31 Gusht 2020

Prej paslufte një prej përballjeve më të rëndësishme në mes të Kosovës dhe Serbisë do të ndodhë këtë 4 shtator.

Liderë të të dy vendeve do të shkojnë të takohen në Uashington, në Shtëpinë e Bardhë, shkruan gazeta Infokus.

Por, ky takim ku pritet që të jetë edhe vendimtar për fatin e Kosovës dhe Serbisë, do të jetë shumë i pabarabartë.

-Advertisement-

Kjo në mbështetjen që e kanë ekipet dialoguese nga qytetarët e tyre.

Në zgjedhjet e fundit që u mbajtën në Serbi, koalicioni SNS i Aleksandar Vuçiq, mori plot 60.65% të votave, duke siguruar qeverisjen i vetëm, shkruan gazeta Infokus.

Por, ekipi i Kosovës që do të shkoj në Shtëpinë e Bardhë, nuk i ka as 8% të votave nga qytetarët.

Pjesë e ekipit dialogues të Kosovës do të jenë Kryeministri Avdullah Hoti që në zgjedhjet e fundit mori 26 mijë e 94 vota.

Bashkë me të do të shkoj edhe zëvendësi i tij, Driton Selmanaj me 16 mijë e 222 vota dhe zëvendësja e Hotit, Albulena Balaj me 4 mijë e 22 vota.

Koordinatori për dialogun Skënder Hyseni nuk kishte dalë fare në zgjedhje, ashtu sikur ministrat Selim Selimi i drejtësisë dhe Meliza Haradinaj e Punëve të Jashtme.

Ndërsa, Arban Abrashi, ministri i Infrastrukturës ka marrë besimin e 14 mijë e 86 votave, shkruan gazeta Infokus.

E anëtarja tjetër e ekipit të Kosovës, shefja e kabinetit të Hotit, Ardita Dushi në zgjedhje ka marrë veç 1 mijë e 503 vota, që në total i bien 61 mijë e 927 vota bashkë.

E nëse kjo krahasohet me votat e vlefshme që ishin 841 mijë e 275, i bie që Vuçiq me 60% të votave përballë do të ketë një ekip që bashkë i kanë veç 7.36% të besimit të qytetarëve të Kosovës të cilët votuan./Gazeta Infokus/

 

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

fokus

Ky website përdor cookies. Duke vazhduar përdorimin, ju pranoni përdorimin e tyre.

Privacy policy