Lajme

55-vjeçari në Pejë kapet mat me 23-vjeçaren në motel

Autori: Gazeta inFokus 10:38 | 21 March 2023

Prostitucioni po vazhdon të jetë një fenomen mjaft shqetësues dhe një sfidë për institucionet në Kosovë. Autoritetet e vendit në vazhdimësi raportojnë për gra dhe burra që dyshohen për marrje me prostitucion, ku përveç moshave të reja, shpesh ka raste ku të përfshirë janë edhe personat më në moshë. Plot raste të tilla janë zbuluar kohëve të fundit në motele të ndryshme të vendit.

Për një rast të tillë Policia rajonale në Pejë ka arrestuar në flagrancë gjatë ditës së djeshme një 55-vjeçar dhe një vajzë 23-vjeçare, nën dyshimet se janë marrë me prostitucion në “Motelin 03” në Pejë.

Burimet nga Prokuroria për Sinjalin, kanë bërë me dije se pas mbledhjes së informacioneve nga Njësia për Hetimin e Trafikimit me Qenie Njerëzore, është zbuluar se të dyshuarit kanë kryer marrëdhënie seksuale në këmbim të pagesës.

-Advertisement-

Pas arrestimit, të njëjtit janë shoqëruar në stacion policor, ku janë intervistuar nga hetuesit policorë dhe kanë dhënë deklaratat e tyre lidhur me rastin.

Të njëjtat burime thonë se pas përfundimit të procedurave policorë, rasti është proceduar në Departamentin për Kundërvajtje në Gjykatën Themelore në Pejë.

Subscribe në YouTube: GAZETA INFOKUSI
Artmotion me ofertë PAKO SUPREME – kësaj radhe më shumë argëtim!
-Advertisement-

Të tjera

Fokusi

lajme