Ekonomi

500 mijë euro për 150 përfitues të subvencioneve në Bujqësi, pagesta e 2020-ës drejt fundit

Autori: Gazeta inFokus 20:02 | 22 October 2021

Programi i Pagesave Direkte për vitin 2020 nuk ka përfunduar ende. Ministria e Bujqësisë ka hasur në telashe të vazhdueshme si rezultat i keqpërdorimeve dhe arrestimeve që kanë ndodhur në Agjensinë për Zhvillimin e Bujqësisë.

Megjithatë, pagesat e papërfunduar të subvencioneve të vitit 2020 duket se po shohin fundin.

Indeksonline ka kontaktuar ministrinë e Bujqësisë të cilët kanë njoftuar se procesi i pagesave është në fazën finale. Ministria e drejtuar nga Faton Peci ka njoftuar se do të procedohen 500 mijë euro për 150 përfitues të këtyre pagesave direkte.

-Advertisement-

“Procesi i ekzekutimit të pagesave të subvencioneve në kuadër të Programit të Pagesave Direkte për vitin 2020 tashmë është në fazën finale. Pritet që të procedohen për pagesë rreth 500 mijë euro për 150 përfitues të këtyre pagesave direkte.

Duhet theksuar se vonesat për përmbylljen e gjithë këtij procesi kanë ardhur si rezultat i zhvillimeve që kanë ndodhur gjatë këtij viti në Agjencinë për Zhvillimin e Bujqësisë, si dhe veprimeve të ndërmarra pas këtyre zhvillimeve nga Task Forca, e cila për mandat ka pasur shqyrtimin dhe verifikimin e secilës lëndë, e cila ishte në procedurë të realizimit të pagesave në pajtim me kriteret dhe procedurat e përcaktuara me Udhëzim Administrativ” thuhet në përgjigjes e Ministrisë së Bujqësisë.

Subscribe në YouTube: GAZETA INFOKUSI