Rozë

50 hijet e rozës

Autori: Gazeta inFokus 15:59 | 12 May 2017

Shirat e prillit sjellin lulet e majit, por duket se do të sjellin dhe flokët rozë. Nga Hollivudi në Coachella, yjet e famshëm po përdorin nuanca të ndryshme flokësh, si magentën, rozën apo lejlasë së lehtë.

Gigi Hadid, Joan Smalls apo Amber Heard kanë provuar këtë ngjyrë flokësh të paktën për 30 ditë. Nëse doni të eksperimentoni me këtë ngjyrë ja disa këshilla për t’i lyer dhe jo për të vënë paruke, siç mund të ndodhë mes VIP-ave.

Kjo ngjyrë mund të aplikohet më së miri tek bjondet, dhe disi më vështirë tek brunet. Ato me flokë të shkurtër, si Cara Delavigne, janë të predispozuara për bazën e ngjyrës që në rrënjë. “Në momentin që flokët janë çelur, klienti ka disa mundësi për ngjyrën rozë”, thotë Ammon Carver, drejtori kreativ i Anza Hair Care.

-Advertisement-

Gjëja e parë që duhet patur parasysh është se çfarë nuance të rozës dëshironi. “Magenta e shndritshme apo tonet e rozës janë më të lehta për tu bërë, fuqia e ngjyrës mund të tjekalojë çdo ngjyrë ekzistuese në flokë”, thotë Ammon.

Ndërsa ngjyrat e zbehta dhe pastel janë një sfidë më vete, pasi duhet të siguroheni që të përmirësoni ngjyrën e flokëve para se të vendosni rozën, ose do të ndikojë shumë në rezultat.

Pasi zgjidhet nuanca, duhet të vendosni se sa e doni jetëgjatësinë e kësaj boje, kjo pasi ka bojë që rezistojnë për një muaj, por ka dhe nga ato që zgjasin më shumë.

Nëse nuk jeni ende të sigurta keni dhe tre mundësi të tjera, për të rikthyer flokun në gjendjen e mëparshme. E para është të provoni një paruke, nëse ju shkon. E dyta është ngjyra spraj, që largohet me një të lartë dhe e treta është shtimi i flokëve.

Subscribe në YouTube: GAZETA INFOKUSI
Coffee Show B2B në Zagreb nga Devolli Corporation

Të tjera