Lajme

45 vjeçarja shqiptare tenton të hyjë në Greqi me afro 21 mijë euro të padeklaruara

Autori: Gazeta inFokus 09:35 | 05 January 2022

Një 45-vjeçare është ndaluar nga policia në Kakavijë pasi po shkonte në Greqi me 20.950 euro dhe nuk i kishte deklaruar, shkruan Gazeta Infokus.

Policia e Gjirokastrës ka njoftuar se ka proceduar penalisht poseduesen e parave, një qytetare nga Lezha.

“Shërbimet e Policisë Kufitare në Kakavijë, si rezultat i shtimit të kontrolleve me qëllim parandalimin dhe goditjen e paligjshmërisë, bazuar në analizën e riskut, në dalje të RSH-së, kanë kaluar për kontroll në të detajuar në vijën e dytë, shtetasen A. B., 45 vjeçe, banuese në Lezhë dhe rezidente në Athinë, e cila udhëtonte si pasagjere në autobusin e linjës Lezhë-Athinë”, thuhet në njoftimin e tyre.

-Advertisement-

Sipas Policisë së Gjirokastrës, shuma e parave u sekuestrua në cilësinë e provës materiale.

“Në përfundim të veprimeve të para të kryera nga specialistët e Seksionit për Hetimin e Krimit Ekonomik e Financiar në DVP Gjirokastër, u procedua penalisht shtetasja A. B., për veprat penale ‘Mosdeklarimi i të hollave dhe sendeve me vlerë në kufi” dhe “Pastrim i produkteve të veprës penale ose veprimtarisë kriminale’”, thuhet në njoftimin e policisë Lezhë./Gazeta Infokus/

Subscribe në YouTube: GAZETA INFOKUSI
Etiketa:

Të tjera

Fokusi

lajme