4 të vrarë në një atentat mafioz, mes viktimave 2 të pafajshëm
Autori: Gazeta inFokus 08:59 | 10 August 2017
Italia është tronditur nga atentat i tipit mafioz, ku mbetën të vdekur katër persona. Ngjarja ka ndodhur një ditë më parë në qytetin e Foxhias, në rajonin e Garganos.
Autoritetet italiane dyshojnë se bëhet fjalë për një hakmarrje mes dy familjesh mafioze. Mediat vendase shkruajnë se ngjarja është shënuar në një rrugë provinciale në lokalitetin San Marko in Lamis, ku një automjet me dy persona në bord, pasi ka arritur një tjetër mjet ku udhëtonin dy persona të tjerë ka hapur zjarr me kallashnikov duke i ekzekutuar ata.
Duke cituar burime të afërta me hetuesit, mediat italiane shkruajnë se, “në makinën që ra pre e atentatit po udhëtonin Mario Luciano Romito, kryetar i klanit me të njëjtin emër dhe kunati i tij, që shërbente si shofer”.
Lidhur me autorët e krimit, të cilët ende nuk janë identifikuar, hetuesit dyshojnë se i përkasin familjes rivale Li Bergolis, që dyshohet të jetë hakmarrë për një hesap të vjetër.
Por pasi kanë vrarë dy shënjestrat e tyre, autorët e krimit janë vënë në ndjekje të dy personave që udhëtonin me një kamionçinë, të cilët nuk kishin lidhje me ngjarjen, por kishin qëlluar në momentin e gabuar në vendin e gabuar.
Për të mos lënë dëshmitarë, agresorët i kanë ndjekur dhe kanë hapur zjarr edhe ndaj kamionçinës, duke vrarë një nga personat që ndodhej në bord.
Tjetri, në përpjekje për të shpëtuar ka braktisur mjetin dhe është larguar me vrap, por është arritur nga autorët e krimit dhe është qëlluar me breshëri kallashnikovi.
Zanafilla e luftës mes dy familjeve, dikur aleate, daton sipas mediave italiane në vitin 2009, kur bosi Mario Luciano Romito, i ekzekutuar sot, u kaloi autoriteteve informacione mbi familjen Li Bergolis, duke bërë që eksponentët kryesorë të saj të dënoheshin në një proces të madh gjyqësor kundër mafias lokale.
Që prej atëherë, Romito i kishte shpëtuar një seri atentatesh, por sot duket se i ka mbaruar fati.
Të tjera
-
Prokuroria: Trump u përpoq të manipulonte zgjedhjet me pagesat! Avokatët: Padia gjyqësore e pabazë
Donald Trump u përpoq të ndikonte në mënyrë të paligjshme në zgjedhjet presid...
-
Qeriqi vazhdon dëshminë në procesin gjyqësor ndaj ish-krerëve të UÇK-së
Në Dhomat e Specializuara të Kosovës në Hagë sot do të vazhdojë procesi gjyqë...
-
Haliti për Bedri Hamzën: Është më i mirë se Albin Kurti
Deputeti i Partisë Demokratike të Kosovës, Xhavit Haliti, tha se kandidati i ...
-
Moti sot kryesisht me shi
Instituti Hidrometeorologjik i Kosovës ka njoftuar se sot pritet të jetë mot ...
-
Dështimi i votimit në veri, Haliti fajëson edhe Albin Kurtin
Deputeti i Partisë Demokratike të Kosovës, Xhavit Haliti, tha se dështimi i r...
-
Atiq: Qytetarët serbë ndihen më të sigurtë se në të kaluarën
Kryetari i Mitrovicës së Veriut Erden Atiq, ka folur rreth procesit të votimi...
-
Aksidenti me fatalitet në Lipjan, ky është shoferi që ndërroi jetë
Numri i madh i aksidenteve në trafik po vazhdon të jetë shqetësues. Çdo ditë ...
-
Kurti jep detaje nga vizita në Bullgari: Pas Sofjes, vazhdojmë drejt Hanoverit të Gjermanisë
Kryeministri i Kosovës, Albin Kurti përmes një postimi në Facebook ka dhënë d...
-
E dhimbshme, vdes në moshën 27-vjeçare Antigona Emini-Jashari nga Gjilani
Ka ndërruar jetë në moshën 27 vjeçare, e reja nga Gjilani, e cila thuhet se t...
-
DASH: Problemet në gjyqësor dhe media, korrupsioni, janë shqetësimet kryesore për Shqipërinë
Mangësitë me pavarësinë dhe integritetin e gjyqësorit; mungesa e mediave të p...
-
Skemat e mashtrimit me ‘Call Center’, gati një milion euro fitim për tri javë – këto janë bizneset e dyshimta të të dyshuarve
Tetë persona – të gjithë familjarë mes vete – janë arrestuar nën dyshimin se ...
-
Rrëmbeu nipin 3-vjeçar, Gjykata jep masën për gjyshen e vogëlushit
Gjykata e Durrësit ka vendosur detyrim paraqitjeje për gjyshen e 3-vjeçarit, ...