Lajme

30 ditë paraburgim ndaj tre serbëve që provokuan në Deçan

Autori: Gazeta inFokus 18:52 | 26 November 2024

Ne Gjykaten Themelore në Pejë – Dega në Deçan sot është mbajtur seanca për caktimin e masës së paraburgimit kundër të pandehurve Rajko Krivokapiç, Marinko Jovanoviç dhe Dragutin Lalatoviç, kjo në bazë të kërkeses së parashtruar nga Prokuroria Themelore në Pejë, respektivisht Prokurori i shtetit Dorjan Juniku.

Sipas ‘RADIO 1’, Gjykata në fjalë, ka aprovuar kërkesën e prokurorit pejan Juniku, kundër të pandehurve Rajko Krivokapiç, Marinko Jovanoviç dhe Dragutin Lalatoviç me dyshimin e arsyeshëm se të njejtit kishin për të kryer veprën penale “Nxitja e perçarjes dhe mosdurimit” nga neni 141 te KPRK-se, meqenëse te njejtit me datë 24.11.2024 kishin ardhur nga Mali i Zi konkretisht nga Nikshiçi në një liturgji në Manastirin e Deçanit ku në veturën e tyre, në kornizen e targave kishin vendosur mbishkrimin “Kosova është Serbi”.

Të njejtit janë transferuar në paraburgim prej 30 ditësh.

-Advertisement-

‘RADIO 1’ merr vesh se dy nga të pandehurit janë ushtarë të ushtrisë malazeze.

Subscribe në YouTube: GAZETA INFOKUSI