Lajme

29-vjeçari në Istog tenton ta dhunojë vajzën e axhës, i ofron para në këmbim të seksit më pas ia gris rrobat

Autori: Gazeta inFokus 14:24 | 23 March 2023

Një rast i tmerrshëm dyshohet të ketë ndodhur në fshatin Llukaca e Begut në Istog, ku një person dyshohet se ka tentuar ta dhunojë seksualisht vajzën e axhës së tij, e cila është e mitur.

Burimet nga Prokuroria kanë bërë me dije se të gjithë tmerrin e përjetuar, viktima e ka rrëfyer para hetuesve policorë në prezencën e zyrtarit të Qendrës për Punë Sociale.

Bazuar në dëshminë e saj, 29-vjeçari mbrëmjen e së martës e kishte thirrur që të dalë mbrapa shtëpisë, ku i kishte ofruar para në këmbim të marrëdhënies seksuale. Pasi 15-vjeçarja nuk ka pranuar dhe ka tentuar që të largohet që aty, i dyshuari e ka kapur me forcë dhe me dhunë ia ka grisur rrobat duke tentuar që ta dhunojë.

-Advertisement-

Për fatin e mirë të vajzës, ajo ka arritur që të ikë që aty dhe të hyjë brenda shtëpisë, ku më pas ka njoftuar familjarët dhe bashkë me babain e saj kanë denoncuar rastin në Polici.

I dyshuari fillimisht ishte arratisur, mirëpo pas veprimeve hetimore të Policisë, Sinjali mëson se ai është arrestuar mëngjesin e sotëm dhe është shoqëruar në stacion policor për intervistim.

Pas përfundimit të procedurave policore, Prokurori i Shtetit ka nxjerrë aktvendim që të dyshuarit t’i caktohet masa e ndalimit policor dhe i njëjti do të hetohet nën dyshimet për kryerjen e veprës penale ‘Tentim dhunim’.

Subscribe në YouTube: GAZETA INFOKUSI
BKS-ja kërkon nga Institucionet që sigurimi për bujqit të bëhët obligativ
-Advertisement-

Të tjera

Fokusi

lajme